BitterDream/Burmese

မြန်မာအစိုးရကဲ့သို့ပင် ရိုဟင်ဂျာဘင်္ဂလီများကို အင်ဒိုနီးရှားက လက်ခံရန်မဖြစ်နိုင်ကြောင်း သံအမတ်ပြော

By: Ka Shee on 9:56 AM / comment : 0 ပြည်တွင်းသတင်း

မိမိတို့ အင်ဒိုနီးရှား နိုင်ငံ အနေဖြင့် နိုင်ငံမဲ့ မြန်မာနိုင်ငံက မွတ်ဆလင်တွေကို လက်ခံ နေထိုင်ခွင့် ပေးဖို့ဆိုတာ မဖြစ်နိုင်ပါဘူး” ဟု တာဝန်ပီးဆုံးပြီး နိုင်ငံကို ပြန်မယ့် ဘင်္ဂလာဒေခ်ျ့ ဆိုင်ရာ အင်ဒိုနီးရှား သံအမတ် Zet Mirzal Zainuddin ပြောကြားလိုက်သည်။

မနေ့က (ဇူလိုင် ၁၄ ရက်နေ့)မှာ နိုင်ငံကို ပြန်လည် မထွက်ခွာမီ ဒက္ကားမြို့တော် သတင်းထောက် အသင်းတိုက်တွင် ပြုလုပ်သော သတင်းဌာနများနှင့် တွေ့ဆုံပွဲတွင် ထိုသို့ ပြောကြားလိုက်ခြင်း ဖြစ်သည်။

“ ဒီပြဿနာက လူ့အခွင့်အရေး ပြဿနာဖြစ်ပြီး မြန်မာနဲ့ သက်ဆိုင်နေတဲ့ အတွက် မြန်မာကသာ ဖြေရှင်းရမှာ ဖြစ်ပါတယ်။ ကျွန်တော်တို့ ဘာပြောနိုင်သလဲဆိုရင် အင်ဒိုနီးရှား အနေနဲ့ ရိုဟင်ဂျာတွေကို ဖိတ်ခေါ်ပြီး ဒုက္ခသည် အဖြစ်ထားရှိဖို့ (သို့မဟုတ်) နိုင်ငံသားအဖြစ် အသိအမှတ်ပြုပေးဖို့ ကျွန်တော်တို့မှာ အနေအထား မရှိပါဘူး” ဟု သံအမတ်က ပြောသည်။

မြန်မာ သမ္မတ ဦးသိန်းစိန်မှ ရိုဟင်ဂျာများကို တိုင်းရင်းသား အဖြစ် လက်မခံနိုင်ကြောင်း၊ ကုလသမဂ္ဂ ဒုက္ခသည်များ ဆိုင်ရာ မဟာမင်းကြီးရုံးမှ တာဝန်ယူပြီး စောင့်ရှောက်ထားရန်နှင့် လက်ခံမည့် နိုင်ငံရှိပါက ပို့ပေးမည် ဖြစ်ကြောင်း ကုလ ဒုက္ခ အကြီးအကဲနှင့် တွေ့ဆုံ စဉ်ဇူလိုင်လ ၁၁ ရက်နေ့က ပြောကြားခဲ့သည်။

မြန်မာ သမ္မတ ပြောကြားချက်နှင့် ပတ်သက်ပြီး ရိုဟင်ဂျာ ဘင်္ဂလီ ဒုက္ခသည်များအား အင်ဒိုနီးရှားက လက်ခံပေးနိုင်ပါမည်လားဟု မေးမြန်းချက်အပေါ် သတင်းထောက်များအား ပြန်လည် ဖြေကြားစဉ် အင်ဒိုနီးရှားနိုင်ငံ အနေဖြင့် အခြေအနေမရှိပါကြောင်း၊ ဒုက္ခသည် အရေးနှင့် ပတ်သက်ပြီး ခါးသီးသော အတွေ့အကြုံများ ရှိပါကြောင်း၊ လက်ရှိ အချိန်တွင်လည်း လှေစီး ထွက်ပြေးလာသော ဗီယက်နမ် ဒုက္ခသည် ထောင်ပေါင်းမြောက်မြားစွာ နေရပ်မပြန်လိုဘဲ ရှိနေ ပါကြောင်း ပြော ကြားသည်။

မြန်မာ သမ္မတ၏ ရိုဟင်ဂျာ ဘင်္ဂလီများကို တိုင်းရင်းသား အဖြစ် လက်မခံနိုင်ဘဲ ဒုက္ခသည် စခန်းများတွင် ထားရှိပြီး လက်ခံမည့် နိုင်ငံများ ရှိပါက ပို့ပေးမည်ဆိုသည်ဟု ပြောဆိုခြင်းကို သတင်းများမှ တဆင့် ကြားသိရကြောင်းနှင့် သမ္မတထံမှ နုတ်အားဖြင့် ပြောဆိုသည်ကို မကြားရသေးကြောင်း ပြောကြားသည်။

၎င်းပြင် ယခုခေတ်တွင် နိုင်ငံပေါင်း များစွာတွင် ဘာသာကွဲ၊ လူမျိုးကွဲ များစွာ ရောပြွမ်းနေထိုင်လျှက် ရှိနေပါကြောင်း၊ အင်ဒိုနီးရှား အပါအ၀င် အမေရိကန် ပြည်ထောင်စုတွင်လည်း ထိုကဲ့သို့ နေထိုင်၍ ရှိပါကြောင်း၊ မြန်မာ အစိုးရ အနေဖြင့် အခြေအနေမှန်ကို နားလည် သဘောပေါက်ရန် လိုကြောင်း၊ အဆိုပါ ပြဿနာကို မိမိနိုင်ငံ ပြည်တွင်းရေး အဖြစ် သဘောထားပြီး ဖြေရှင်းရန် လိုကြောင်း အင်ဒိုနီးရှား သံအမတ်က သတင်းထောက်များသို့ ပြောကြားသည်။

ဘင်္ဂလာဒေခ်ျ့နိုင်ငံသည် မြန်မာ သမ္မတ၏ ရိုဟင်ဂျာ ဘင်္ဂလီများနှင့် ပတ်သက်ပြီး သဘောထား ထွက်ပေါ်လာပြီးနောက်ပိုင်းတွင် ဘင်္ဂလာဒေခ်ျ့မှ ဒုက္ခသည်များကို မြန်မာ အစိုးရမှ ပြန်မယူမည်ကို အထူး စိုးရိမ်နေကြောင်း သိရသည်။

သို့အတွက် သူ့နိုင်ငံရှိ ဒုက္ခသည်များအား မြန်မာနိုင်ငံသို့ ပြန်ပို့ရန်ကို၎င်း (သို့မဟုတ်) တတိယ နိုင်ငံ တစ်ခုခုသို့ ပို့ဆောင်ရန်ကို၎င်း ယူအန်မှ တဆင့် ချဉ်းကပ် ကြိုးစားလာနိုင်ဖွယ် ရှိကြောင်း လေ့လာသူများက ပြောသည်။

ကော့စ်ဘဇား ခရိုင် ကောတို့ပလောင် ဒုက္ခသည် စခန်းမှ မွတ်ဆလင် ဒုက္ခသည် တစ်ဦးဖြစ်သူ ကိုမောင်သိန်းကမူ မြန်မာမှ ရောက်ရှိနေသော ဒုက္ခသည် အများစု အနေဖြင့် မြန်မာနိုင်ငံ ကို ပြန်ရန်ထက် တတိယနိုင်ငံ တစ်ခုခုကို ထွက်ခွာရန် ပိုလိုလားနေကြ သည်ဟု ပြောဆိုသည်။

နိရဉ္စရာ
http://www.9dblood.com/2012/07/blog-post_6122.html

အစိုးရတပ်နှင့် တိုက်ပွဲကြောင့် KIA ဗိုလ်တစ်ဦးနှင့် တပ်သား ၄ ဦးကျ

By: Ka Shee on 3:45 PM / comment : 0 ပြည်တွင်းသတင်း

ကေအိုင်အေမှ မြန်မာစစ်တပ်က နှစ်ရှည် သိမ်းပိုက်ထားသော လဂျားယန် Lung Rawk စခန်း
မြန်မာအစိုးရတပ်ဖွဲ့နှင့် ကချင်လွတ်မြောက်ရေးတပ်ဖွဲ့ (KIA) တပ်ပေါင်းစုသည် ဗန်းမော်ခရိုင် နားလုံ ရာဘာခြံတွင် နှစ်ရက်ကြာ ပြင်းပြင်းထန်ထန် တိုက်ပွဲဖြစ်ပွားခဲ့ရာ KIA တပ်ဖွဲ့မှ ဗိုလ်တစ်ဦးနှင့် တပ်သား ၄ ဦးကျဆုံးကာ ၇ ဦး ဒဏ်ရာရရှိသွားခဲ့ကြောင်း လိုင်ဇာဗဟိုဌာနချူပ် အရာရှိတစ်ဦး ပြောသည်။

ကချင်လွတ်မြောက်ရေးအဖွဲ့ (KIO) ဌာနချူပ် လိုင်ဇာအနီး လဂျားယန်ရှိ မြန်မာအစိုးရတပ် လုံရောက် (Lung Rawk) သို့ ရိက္ခာလာပို့သည့် မြန်မာအစိုးရစစ်တပ် ခမရ (၃၂၀) နှင့် (၃၈၃) စစ်ကြောင်းနှစ်ကြောင်းကို စစ်အင်အား ၁၅၀ ဖြင့် ဝင်ရောက်တိုက်ခိုက်ခဲ့ရာ အစိုးရတပ်ဖွဲ့မှ ၁၄ ဦးသေဆုံးပြီး အများအပြား ဒဏ်ရာရရှိကြောင်း ရှေးတန်းသတင်းမှ သိရသည်။

“ကျနော်တို့ပြန်သွားကြည့်တယ်။ တချို့ကိုတော့ မြုပ်ထားတယ်။ တချို့က ဒီတိုင်း သေနေတာ။ ကျနော်တို့ ပြန်မြုပ်ပေးလိုက်တယ်။ အားလုံးပေါင်းရင် ၁၄ ယောက်ဟုတ်တယ်။ ဒဏ်ရာရတာလည်းပါတယ်” ဟု ရှေးတန်းမှတပ်သားတစ်ဦးပြောသည်။

၎င်းတိုက်ပွဲသည် ပြီးခဲ့သည့် ဇွန်လ ၂၈-၂၉ အတွင်း ဆက်တိုက် ရင်ဆိုင်တိုက်ပွဲဖြစ်ပွားခြင်းဖြစ်ပြီး ယခုချိန်တွင် နှစ်ဖက်တပ်များ ပြန်လည်နေရာယူနေကြဆဲဖြစ်ကြောင်းဆက်ပြောသည်။

“မြန်မာအစိုးရတပ်များက ရိက္ခာလာပို့တာ။ ပစ်ခတ်ရင်း ဝင်သွားတယ်။ အားလုံးက မဝင်ဘူး။ တချို့က ဝင်သွားတယ်။ ခြေလျင်နဲ့ လာတာ။ အခုတော့ တိုက်ပွဲမဖြစ်တော့ဘူး။ အားလုံးပြန်သွားပြီ”
ထို့အပြင် ဇူလိုင် ၁ ရက်တွင်လည်း ရှမ်းပြည်နယ်မြောက်ပိုင်း ပန်ဆိုင်း (ကြူကုတ်) အနီး ရိခူး (Yi Hku) နေရာတွင် KIA တပ်ရင်း ၃၆ မှ ခြုံခိုတိုက်ခိုက်ခဲ့ရာ မြန်မာအစိုးရတပ်မှ ကျဆုံးမှုများရှိကြောင်း တပ်မဟာ (၄) အရာတဦးမှသိရသည်။

ကချင်ပြည်နယ်တွင်း KIO တပ်အခြေစိုက်ရာနေရာသို့ အစိုးရတပ်များ ထိုးစစ်ဆင်တိုက်ခိုက်မှုကြောင့် တိုက်ပွဲများဆက်တိုက်ဖြစ်ပွားလျက်ရှိကြောင်းသိရသည်။

အစိုးရနှင့် KIO သည် ငြိမ်းချမ်းရေးအတွက် ရှေးဦးစွာ ကချင်ပြည်နယ်ရှိ အစိုးရစစ်တပ်များဆုတ်ခွာပေးနိုင်ရန် နှစ်ဖက် ညှိနှိုင်းဆွေးနွေးခဲ့သော်လည်း အောင်မြင်မှုမရှိသေးပေ။
http://burmese.kachinnews.com/news

အပစ်အခတ်ရပ်စဲထားသော် လည်း တောင်ငူတွင် တိုက်ပွဲဖြစ်ပွား

By: Ka Shee on 3:40 PM / comment : 0 ပြည်တွင်းသတင်း

ဇူလိုင်လ ၂ရက်၊ ၂၀၁၂ခုနှစ်။ စောခါးစူးညား (ကေအိုင်စီ)

ကရင်ပြည်နယ်၊ သံတောင်မြို့နယ်ရှိ ၀ါးစိုးရွာအနီး ရှဲလိုဒေါခိုတွင် ကရင်အမျိုးသားအစည်းအရုံး-KNU လက်အောက်ခံတပ်နှင့် မြန်မာအစိုး ရတပ်တို့အကြား ပြီးခဲ့သည့် ဇွန်လ ၂၇ရက်နေ့က တိုက်ပွဲဖြစ်ပွားခဲ့သည်ဟု သိရသည်။

အဆိုပါဒေသရှိ မြန်မာအစိုးရတပ် တပ်မ(၆၆)လက်အောက်ခံ ခြေလျင်တပ်ရင်း ခလရ(၁)သည် KNU ထိန်းချုပ်ထားသည့် သတ်မှတ်နယ် မြေအတွင်း ၀င်ရောက်ခဲ့သဖြင့် တိုက်ပွဲဖြစ်ပွားရခြင်းဖြစ်သည်ဟု KNU တောင်ငူခရိုင်မှ ခရိုင်တာဝန်ခံ စောအယ်ဝါးက ကေအိုင်စီသို့ ယခု လို ပြောသည်။

“သူတို့(အစိုးရတပ်)က အပစ်ရပ်ကာလမှာ ကြိုတင်အကြောင်းမကြားဘဲ ကျနော်တို့ သတ်မှတ်နယ်မြေအတွင်းမှာ ၀င်လာတော့ တိုက်ပွဲ ဖြစ်တာပေါ့။ တိုက်ပွဲဖြစ်တာက ကျနော်တို့ရဲ့ တပ်စုတစ်စုပါပဲ။ သူတို့ဘက်က အရင်ပစ်လို့ ဖြစ်တာ။ မိနစ်ပိုင်းလောက်ဖြစ်ပြီး ကျနော်တို့ ဘက်က ပြန်ဆုပ်တယ်။ ထိခိုက်မှုတော့ မရှိဘူး။”ဟု သူက ပြောသည်။

ဇွန်လ ၂၃ရက်နေ့က သံတောင်မြို့နယ်ရှိ ကော်သေးဒဲရွာသို့ ဆန်သွားဝယ်ပြီး ပြန်လာသော ဟီဒေါခေါ်နှင့် သေခိုဒဲရွာသား ၄ဦးကို ပစ်ခတ် ခဲ့ပြီး ထိုတနေ့တည်းမှာပင် တောင်ယာခင်းတွင် စုပေါင်း မြက်ခုတ်ထွင်ရှင်းလင်းနေသော ဟီဒေါခေါ်ရွာနှင့် ၀ါးစိုးရွာသား ၁၀ဦးအား ပစ်ခတ်ခဲ့သည်။

တစ်ဆက်တည်းပင် မြန်မာအစိုးရတပ်များသည် ဒေသခံရွာသားများ ပစ်ခတ်မှုများရှိသည့်အပေါ် လွတ်လပ်စွာ လုပ်ကိုင်စားသောက်မှုနှင့် သွားလာမှုများ၌ အခက်အခဲဖြစ်ရသည်ဟု အမည်မဖော်လိုသူ ဒေသခံတဦးက ပြောသည်။

သူက “အပစ်အခတ်ရပ်စဲရေးအချိန်မှာ နည်းနည်းအေးချမ်းမလားလို့။ အခု အရင်အတိုင်းပဲဆိုတော့ စိတ်မကောင်းဘူး။ အခုထိ ကျနော်တို့ ဒေသခံတွေ ကြောက်ကြောက်လန့်လန့်နဲ့ သွားလာအလုပ်လုပ်နေရတယ်။ (ဇွန်လ) ၂၃ရက်နေ့က တောင်ယာမှာ အလုပ်လုပ်တဲ့သူတွေ တောမှာ လိုက်အိပ်ရသေးတယ်။”ဟု ပြောဆိုသည်။

နော်စီဖိုးရာစိန် ဦးဆောင်သည့် KNU ကိုယ်စားလှယ်အဖွဲ့သည် ဇွန်လ ၂၆ရက်နေ့က မြန်မာအစိုးရ၏ ပြည်ထောင်စု ငြိမ်းချမ်းရေးဖော် ဆောင်မှု လုပ်ငန်းကော်မတီ ဒု-ဥက္ကဋ္ဌ မီးရထားဝန်ကြီး ဦးအောင်မင်း ဦးဆောင်သည့် ကိုယ်စားလှယ်အဖွဲ့နှင့် ထိုင်းနိုင်ငံ မဲဆောက်မြို့တွင် တွေ့ဆုံခဲ့ပြီး စစ်ရေးကိစ္စများကိုပါ အနည်းငယ် ဆွေးနွေးခဲ့ကြောင်း သိရသည်။
http://www.kicnews.org/?p=12211

တိုင်းရင်းသားဒေသ ဆင်းရဲမွဲတေမှုကြောင့် မတည်ငြိမ်တာတွေ ဖြစ်လာနိုင်

By: Ka Shee on 3:37 PM / comment : 0 ပြည်တွင်းသတင်း

2012-07-01

မြန်မာနိုင်ငံက တိုင်းရင်းသား ပြည်နယ်တွေမှာ ဆင်းရဲမွဲတေမှု ရာခိုင်နှုန်း ကြီးမားလာနေတာဟာ လက်ရှိ မြန်မာအစိုးရက ကြိုးပမ်းနေတဲ့ ပြုပြင်ပြောင်းလဲရေး လုပ်ငန်းစဉ်တွေကို အဟန့်အတား ဖြစ်စေနိုင်သလို လူထုအုံကြွမှုတွေ မငြိမ်မသက်မှုတွေ ဖြစ်လာနိုင်တယ်လို့ အာရှဖွံ့ဖြိုးရေးဘဏ် ADB က ဒီကနေ့ သတိပေးလိုက် ပါတယ်။

ဆင်းရဲမွဲတေမှု အခြေအနေကို လေ့လာတဲ့အခါ မြန်မာနိုင်ငံက ပြည်နယ်တွေရဲ့ ဖွံ့ဖြိုးမှု မညီမျှတဲ့ အချက်ကို ထည့်သွင်း တွက်ချက်ရပါမယ်။ တခြား ဆင်းရဲတဲ့ နိုင်ငံတွေလိုပါပဲ မြန်မာနိုင်ငံက ဖွံ့ဖြိုးမှု မညီမမျှဖြစ်နေတဲ့ အခြေအနေဟာ တိုင်းပြည်ပြန်လည် ထူထောင်ရေး လုပ်ငန်းစဉ်တွေကို အဟန့်အတား ဖြစ်စေနိုင်တယ်လို့ အေဒီဘီအဖွဲ့ ရဲ့ ဒုတိယဥက္ကဋ္ဌ Stephen Groff က မြန်မာနိုင်ငံကို လည်ပတ်အပြီး အပြန်မှာ အေအက်ဖ်ပီ သတင်းဌာနကို ပြောခဲ့ပါတယ်။

ချင်း ၊ ရခိုင် နဲ့ ရှမ်းပြည်နယ်တွေမှာ ရင်ဆိုင်နေရတဲ့ အလုပ်လက်မဲ့ ပြဿနာ၊ စိုက်ပျိုးရေး လုပ်ငန်းတွေ အထွက်နည်းတဲ့ အခြေအနေနဲ့ ရင်ဆိုင်နေရပြီး မြန်မာနိုင်ငံမှာ ဆင်းရဲမွဲတေမှု အများဆုံး လို့ အေဒီဘီက သတ်မှတ်ထားပါတယ်။

စိုက်ပျိုးရေး ကဏ္ဍမှာ အထွက်တိုးအောင် ရင်းနှီးမြုပ်နှံတွေ များလာအောင် ဆောင်ရွက်နိုင်မယ် ပြည်တွင်း ပြည်ပ ဈေးကွက်တွေကို တိုးပေါက်အောင် ဆောင်ရွက်နိုင်မယ် ဆိုရင်တော့ ဆင်းရဲမွဲတေမှု လျှော့ချပေးနိုင်မယ့် အနေအထား ရှိနေပါသေးတယ်လို့လည်း အေဒီဘီ အကြီးအကဲက ပြောခဲ့ပါတယ်။

အပစ်အခတ် ရပ်စဲရေး အခြေအနေကို ၀န်ကြီး ဦးအောင်မင်း ရှင်းလင်း

By: Ka Shee on 3:36 PM / comment : 0 ပြည်တွင်းသတင်း

Written by ရွှေဟင်္သာသတင်းဌာန

ကချင် လွတ်လပ်ရေး တပ်မတော်နှင့် အပစ်အခတ် ရပ်စဲရေး အောင်မြင် လိမ့်မည်ဟု ယနေ့ မွန်းလွှဲ (၁၂) နာရီတွင် နေပြည်တော် စက်မှုဝန်ကြီး ဌာန၌ ကျင်းပသော သတင်း မီဒီယာ တွေ့ဆုံပွဲတွင် ပြည်ထောင်စု အဆင့် ငြိမ်းချမ်းရေး ဖော်ဆောင်မှု လုပ်ငန်း ကော်မတီ ဒုဥက္ကဋ္ဌ ဦးအောင်မင်းက ပြောကြား ခဲ့ပါသည်။

“ကေအိုင်အေ နဲ့ကတော့ ပစ်ခတ်နေကြတာ တနှစ်ကျော် နေပြီးလေ။ အခု ဆွေးနွေးနေပြီး ဖြစ်တဲ့အတွက် ငြိမ်းချမ်းရေးတော့ ရတော့မှာပါ။ ပြီးတော့ တိုင်းရင်းသား လက်နက်ကိုင် အဖွဲ့အစည်းတွေနဲ့ အပြန်အလှန် တိုက်ပွဲဖြစ်လာရင် အဲဒီအတွက် စစ်ဆေးနိုင်မဲ့ စစ်မြေပြင် လေ့လာ စောင့်ကြည်ရေး အဖွဲ့ကိုလည်း ဖွဲ့စည်းသွားမယ် ” ဟု ဦးအောင်မင်းက ပြောပါသည်။

သမ္မတ ဦးသိန်းစိန် ဦးဆောင်သည့် အစိုးရ အဖွဲ့သည်၊ ပြည်တွင်း ငြိမ်းချမ်းရေး ဖော်ဆောင်မှု လုပ်ငန်းများကို ရာနှုန်းပြည့် အကောင်အထည်ဖေါ် ဆောင်ရွက်သွားမည် ဖြစ်ပြီး ၂၀၁၅ ခုနှစ် မတိုင်မှီ၌ ငြိမ်းချမ်းရေး ညီလာခံ တရပ်ကိုလည်း ကျင်းပ သွားမည် ဖြစ်သည်ဟု ဆိုပါသည်။

ငြိမ်းချမ်းရေး ဆွေးနွေးပြီး၊ အပစ်အခတ် ရပ်စဲရေး အကောင်အထည် ဖေါ်နိုင်ပြီး နောက်ပိုင်း (၁၁) လတာ ကာလတွင် ကယား ပြည်နယ်၌ တိုက်ပွဲတစ်ကြိမ်သာ ဖြစ်ခဲ့ပြီး ကရင်ပြည်နယ် နှင့် မွန်ပြည်နယ်မှာမူ ဖြစ်ပွားမှု မရှိခဲ့ကြောင်း ကချင်ပြည်နယ်၌ လည်း ၅၀ ရာခိုင်နှုန်းခန့် တိုက်ပွဲများ လျှော့ကျ နေပြီးဖြစ်ကြောင်း ပြည်ထောင်စု အဆင့် ငြိမ်းချမ်းရေး ဖော်ဆောင်မှု လုပ်ငန်း ကော်မတီက သတင်း ထုတ်ပြန်သည်။
http://www.phophtaw.org/burmese/index.php/news/local-news/1802-2012-07-01-10-58-00.html

ရှမ်းပြည်နယ်အတွင်း ဘိန်းစိုက်ပျိုးမှု ပိုများလာဟုမူးယစ်ဆေးဝါး စောင့် ကြည့်ရေးအဖွဲ့ပြော

By: Ka Shee on 12:17 PM / comment : 0 ပြည်တွင်းသတင်း

ဇွန် ၂၆ရက်၊ ၂၀၁၂ခုနှစ်။ နန်းယဉ်

အစိုးရ၏ မူးယစ်ဆေးဝါး တိုက်ဖျက်ရေးနည်းလမ်း မှန်ကန်မှုမရှိသည့်အတွက် ရှမ်းပြည်နယ်အပါအဝင် တိုင်းရင်းသားဒေသတချို့တွင် ဘိန်းစိုက်ပျိုးမှု ပိုများလာသည်ဟု ရှမ်းပြည် မူးယစ်ဆေးဝါးစောင့်ကြည့်ရေးအဖွဲ့က ယနေ့ ပြောကြားလိုက်သည်။

ရှမ်းပြည် မူးယစ်ဆေးဝါးစောင့်ကြည့်ရေးအဖွဲ့က ယနေ့တွင် ကျရောက်သည့် အပြည်ပြည်ဆိုင်ရာ မူးယစ်ဆေးဝါး အလွဲသုံးမှုနှင့် တရားမဝင် ရောင်းဝယ်မှု တိုက်ဖျက်ရေးနေ့တွင် ထိုင်းနိုင်ငံချင်းမိုင်မြို့၌ သတင်းစာရှင်းလင်းပွဲပြုလုပ်ပြီး ယင်းကဲ့သို့ ပြောဆိုလိုက်ခြင်းဖြစ်သည်။

“အစိုးရက မူးယစ်ဆေးဝါးတိုက်ဖျက်နေတယ်ဆိုပေမယ့်လည်း ကျနော်တို့ ရှမ်းပြည်နယ်အပါအဝင် တခြား ချင်း၊ ကချင်၊ ကယားစတဲ့ဒေသတွေက ဘိန်းစိုက်ပျိုးမှုတွေ ပိုများလာနေတယ်။ သူတို့ (အစိုးရ) လုပ်နေတဲ့ နည်းလမ်းတွေက မှန်ကန်မှုမရှိလို့ ဒီလိုဖြစ်တာပေါ့” ဟု ရှမ်းပြည် မူးယစ်ဆေးဝါးစောင့်ကြည့်ရေးအဖွဲ့ ခေါင်းဆောင် ဦးခွန်စိုင်းက ပြောသည်။

လက်ရှိတွင် ရှမ်းပြည်နယ်ရှိ မြို့နယ် ၅၅ မြို့နယ်အနက် ၄၉ မြို့နယ်အတွင်းတွင် ဘိန်းစိုက်ပျိုးမှု ပိုများလာသည်ဟု ရှမ်းပြည် မူးယစ်ဆေးဝါးစောင့်ကြည့်ရေးအဖွဲ့က ၂၀၁၂ ခုနှစ်ထုတ် အစီရင်ခံစာတွင် ထုတ်ပြန်ထားသည်။

အစိုးရအနေဖြင့် တိုင်းရင်းသားဒေသအတွင်းရှိ မူးယစ်ဆေးဝါးပြဿနာများကို ဖြေရှင်းရာတွင် ထိုဒေသရှိ နိုင်ငံရေးပြဿနာများကို အရင်ဖြေရှင်းပြီးမှသာ ဆောင်ရွက်သင့်သည်ဟု ဦးခွန်ဆိုင်းက ဆက်ပြောသည်။

၎င်းက “နည်းလမ်းမှန်မှန်နဲ့ ဖြေရှင်းဖို့ဆိုရင် အစိုးရအနေနဲ့ အရင်ဦးဆုံး နိုင်ငံရေး ပြဿနာတွေကို ဖြေရှင်းသင့်တယ်။ နိုင်ငံရေးပြဿနာကို ဖြေရှင်းနိုင်မှပဲ မူးယစ်ဆေးဝါးပြဿနာတွေကိုလည်း ဖြေရှင်းလို့ရမယ်”ဟုပြောသည်။

ရှမ်းပြည် မူးယစ်ဆေးဝါး တိုက်ဖျက်ရေးအဖွဲ့က ၂၀၀၇ ခုနှစ်မှစပြီး မူးယစ်ဆေးဝါးနှင့် ပတ်သက်၍အစီရင်ခံစာများ ထုတ်ဝေခဲ့ရာ၂၀၁၂ ခုနှစ်ထုတ် အစီရင်ခံစာတွင် ခေတ်အဆက်ဆက်က ဘိန်းဘုရင်များ၏ လုပ်ဆောင်မှုများနှင့် မကြာခင်က ရွှေတြိဂံနယ်မြေအတွင်း မူးယစ်ရာဇာ နော်ခမ်းအား လာအို အစိုးရအာဏာပိုင်တို့၏ ဖမ်းဆီးခံမှုအကြောင်းများ ပါရှိသည်။

မြန်မာနိုင်ငံအနေဖြင့် မူးယစ်ဆေးဝါးပပျောက်ရေး ၁၅ နှစ်စီမံကိန်းကို ၁၉၉၉-၂၀၀၀ ပြည့်နှစ်မှ ၂၀၁၃-၂၀၁၄ ခုနှစ်ထိ သတ်မှတ်ကာ ယခုနှစ် တတိယ ၅ နှစ်စီမံကိန်း၏ တတိယနှစ်သို့ ရောက်ရှိနေပြီးဖြစ်၍ နိုင်ငံတကာအဖွဲ့အစည်းများနှင့် ပူးပေါင်းပြီး ဘိန်းစိုက်ပျိုးမှု ပပျောက်ရေးအတွက် အားသွန်ခွန်စိုက် ကြိုးပမ်းလျက်ရှိသည်ဟု ယနေ့ထုတ် မြန်မာ့အလင်းသတင်းစာတွင် ဖော်ပြထားသည်။

http://www.kicnews.org/?p=12157

ရခိုင်ငြိမ်းချမ်းရေးအဖွဲ့ အစိုးရအဖွဲ့နှင့် တွေ့ဆုံဆွေးနွေး

By: Ka Shee on 12:12 PM / comment : 0 ပြည်တွင်းသတင်း

ဇွန်လ ၂၆ရက်။ ၂၀၁၂ခုနှစ်။ နော်ဆဲကလယ်(ကေအိုင်စီ)

နိုင်ငံတော် သမ္မတ၏ ခွင့်ပြုချက်နှင့်အတူရခိုင်ပြည်နယ်အစိုးရအဖွဲ့၏ တရားဝင်ဖိတ်ကြားမှုကြောင့် ရန်ကုန်ရှိရခိုင်အမျိုးသားများဖြင့် ဖွဲ့စည်းထားသောရခိုင်ငြိမ်းချမ်းရေးအဖွဲ့သည်ယနေ့မွန်းလွဲ ၂နာရီတွင်စစ်တွေမြို့ ပရကရုံး၌ ပြည်နယ်အစိုးရ ၀န်ကြီးချုပ် ဦးလှမောင်တင့်ပါဝင်သော အစိုးရအဖွဲ့နှင့်တွေ့ဆုံဆွေးနွေးခဲ့သည်ဟု သိရသည်။

ထိုဆွေးနွေးပွဲသို့ စစ်တွေမြို့ခံလူထု ၂၀၀နီးပါး တက်ရောက်ခဲ့ပြီး ငြိမ်းချမ်းရေးအဖွဲ့မှ တောင်းဆိုသည့် စစ်တွေဈေးကြီးအမြန်ဆုံးဖွင့်လှစ်နိုင်ရန်အပြင် ပြည်သူများ၏ လုံခြုံရေးကာကွယ်ပေးရန်၊ ပြည်သူ့စစ်ဖွဲ့ပေးရန်နှင့်ရခိုင်နှင့် ဘဂါင်္လီများအားနေရာခွဲခြားထားရှိရန် စသည့်အချက် ၄ချက်ကို သဘောတူညီမှု ရရှိခဲ့သည်ဟုအဖွဲ့မှပြောခွင့်ရှိသူအရှင်ကုမာရ က ကေအိုင်စီကိုပြောသည်။

“အချက်တွေ ကိုတင်ပြတောင်းဆိုတဲ့အခါ စစ်တွေဈေးကြီးကိုနောက် ၄ရက်မှာပြန်ဖွင့်နိုင်ဖို့ရခဲ့ပါတယ်။ အချက်တွေအားလုံးကိုလက်ခံလုပ်ဆောင်ပေးသွားမှာပါ။မနက်ဖြန်မှာရသေ့တောင်ကိုသွားပြီးဒေသခံအာဏာပိုင်တွေနဲ့တွေ့မယ်။ မြို့မိမြို့ဖတွေနဲ့လည်းဆုံပြီးဘာဖြစ်ချင်လဲဆိုတာမေးပါမယ်။ ပြီးရင်ညှိနှိုင်း ပြီးလုပ်ဆောင်ပေးပါမယ်” ဟုအရှင်ကုမာရ က ဆက်လက်ရှင်းပြသည်။

“နေစရာရပ်ကွက်ကိုသီးခြားခွဲပေးဖို့အပြင် ဈေးကိုလည်းသီးခြားရောင်းဖို့အတွက် ကျမတို့မြို့ခံတွေ ကတောင်းဆိုကြတာပါ။ အခုလို ပြည်နယ်အစိုးရကလိုက်လျောခွင့်ပြုချက်ရတော့ ၀မ်းသာ ကျေးဇူးတင်ပါတယ်” ဟုလည်းဒေသခံဈေးသူတစ်ဦးကဆိုသည်။

ထိုအပြင် အဖွဲ့ဝင်များသည် ရခိုင်တိုင်းရင်းသားများအားအားပေးရန် ရည်ရွယ်ချက်ဖြင့် ပြည်နယ်အတွင်းသို့ လာရောက်ကြရခြင်းဖြစ်သည်ဟုလည်းသိရသည်။

ထိုရခိုင်ငြိမ်းချမ်းရေးအဖွဲ့သည်လက်ရှိရခိုင်ပြည်နယ်တွင် ဖြစ်ပွားနေသောအကြမ်းဖက်မှုကြောင့် ဒုက္ခရောက်နေသောလူထုများကိုအားပေးရန်နှင့် လိုအပ်သည်များကိုကူညီပေးရန်အတွက် ရည်ရွယ်ပြီး ပြီးခဲ့သောရက်သတ္တပတ်ကဖွဲ့စည်းခဲ့ခြင်းဖြစ်ပြီး ပြည်တွင်းပြည်ပသာသနာပြု အလိုတော်ပြည့်ဆရာတော် အဂ္ဂမဟာပဏ္ဍိတ၊ဒေါက်တာ ဘန္တတ အရိယ၀ံသ၊ ဒေါက်တာအေးထွန်း (မျက်စိအထူးကုဆရာဝန်-ငြိမ်း)၊ပြည်ထောင်စုပညာရေးဝန်ကြီး ဦးဘရွှေအပါဝင် အဖွဲ့ဝင် ၁၀ဦးကျော်ရှိသည်ဟု သိရသည်။

http://www.kicnews.org/?p=12155

ငြိမ်းချမ်းရေးသဘောတူထားမှုများကို KNU နှင့်ဦးအောင်မင်းအဖွဲ့ ပြန်ဆွေးနွေး

By: Ka Shee on 12:10 PM / comment : 0 ပြည်တွင်းသတင်း

ဇွန်လ ၂၆ရက်၊ ၂၀၁၂ခုနှစ်။ စောခါးစူးညား (ကေအိုင်စီ)

နှစ်ဖက် ငြိမ်းချမ်းရေးသဘော တူညီချက်များကို ပြန်လည်ဆွေးနွေးသည့် အနေဖြင့် ကရင်အမျိုးသားအစည်း အရုံး-KNU နှင့် မြန်မာအစိုးရ ငြိမ်းချမ်းရေးကိုယ်စားလှယ် ဦးအောင်မင်းအဖွဲ့တို့သည်ထိုင်းနိုင်ငံ မဲဆောက်မြို့ Wattana Village Resort ဟိုတယ်၌ ယနေ့ညနေ ၃နာရီခန့်မှ ၅နာရီအထိ တွေ့ဆုံခဲ့သည်။

ယနေ့တွေ့ဆုံ ဆွေးနွေးပွဲတွင် KNU ဘက်မှ အဖွဲ့ဝင် ၆ဦးပါဝင်သည့် အတွင်းရေးမှူးချုပ် နော်စီဖိုးရာစိန် ဦးဆောင်သော အဖွဲ့နှင့် အစိုးရဘက်မှ ဦးအောင်မင်း ဦးဆောင်သော ကိုယ်စားလှယ် ၉ဦး အဖွဲ့တို့က တွေ့ဆုံဆွေးနွေးခဲ့ခြင်းဖြစ်သည်။

KNU အတွင်းရေးမှူးချုပ် နော်စီဖိုးရာစိန်က “ကျမတို့ ဆွေးနွေးတာကတော့ ပြီးခဲ့တဲ့ အစိုးရနဲ့ ဆွေးနွေးထားတာ တွေ၊ သဘောတူညီဖြတ်ထားတဲ့အပေါ် ပြန်ပြောဆိုကြပြီး ရှေ့ဆက်ဘာတွေ လုပ်မလဲပေါ့။ နောက် ကျမတို့ KNU ရဲ့ လုပ်ငန်းစဉ် အပြောင်းအလဲတွေ သူတို့ကို အသိပေးတယ်။”ဟု ကေအိုင်စီသို့ ပြောသည်။

ဆက်လက်၍ အစိုးရနှင့် သဘောတူ လက်မှတ်ထိုးပြီးနောက် ဖွင့်လှစ်ထားသည့် KNU ရုံးများကိစ္စနှင့် ပတ်သက် ၍ သုံးသပ်ခြင်း၊ လက်ရှိ ပြည်သူလူထုများက တောင်းဆိုထားသည့် မြေယာသိမ်းဆည်းမှု ကိစ္စများကို ဆွေးနွေးခဲ့သည်ဟု နော်စီဖိုးရာစိန်က ဆိုသည်။

မီးရထားဝန်ကြီး ဦးအောင်မင်းကလည်း “KNU ဒေသအတွင်း လူထုတွေ အခက်အခဲ တစုံတရာ ဖြစ်လာရင် ဆက်ဆံရေးကနေတဆင့် သွားတိုင်နိုင်တယ်။ ဆက်ဆံရုံးမှာ ဆွေးနွေးနိုင်တယ်။”ဟု ဆွေးနွေးပြောဆိုခဲ့သည်။

ဧပြီလ ၆ရက်နေ့က နော်စီဖိုးရာစိန်ဦးဆောင်သည့်ကေအဲန်ယူ ငြိမ်းချမ်းရေး ဖော်ဆောင်ရေး ကိုယ်စားလှယ် အဖွဲ့နှင့်မြန်မာအစိုးရဘက်မှမီးရထားဝန်ကြီး ဦးဆောင်သည့် အဖွဲ့တို့သည်ရန်ကုန်မြို့တွင် ပြည်ထောင်စု အဆင့် ဆွေးနွေးကြကာ ဆုံးဖြတ်ချက် ၁၃ချက်ဖြင့်နှစ်ဖက် သဘောတူလက်မှတ်ထိုးခဲ့ကြခြင်းဖြစ်သည်။

ယနေ့ ဆွေးနွေးပွဲတွင် စစ်ရေးကိစ္စနှင့် ပတ်သက်၍ နှစ်ဖက် ပြောဆိုဆွေးနွေးမှုများ မရှိခဲ့ကြောင်း၊ တိကျသည့် ဆုံးဖြတ်ချက်များ မရှိခဲ့ကြောင်းနှင့် နောက် တွေ့ဆုံကြမည့် သတ်မှတ်ရက်များ မရှိသေးကြောင်း KNU က ပြောသည်။

သို့သော် ဆွေးနွေးပွဲကြောင့် KNU နှင့် မြန်မာအစိုးရအကြား ဆက်ဆံရေးများ ဆက်လက်ခိုင်မြဲသလို မရှင်းလင်း သည့် အကြောင်းအရာများကို ပြန်လည်မေးမြန်း ဖလှယ်ခဲ့သည့်အပေါ် ဆက်ရှေ့လုပ်ဆောင်ရမည့် လုပ်ငန်းများအတွက် အကျိုးရှိသည်ဟု နော်စီဖိုးရာစိန်က ပြောသည်။

http://www.kicnews.org/?p=12148

လက်ရှိနိုင်ငံရေး အခြေအနေအပေါ် NMSP ပြည်သူလူထုနှင့်တွေ့ဆုံဆွေးနွေး

By: Ka Shee on 12:08 PM / comment : 0 ပြည်တွင်းသတင်း

ဇွန်၂၆၊၂၀၁၂ခုနှစ်။ နန်းယဉ်(အလွတ်သတင်းထောက်)

လက်ရှိမြန်မာအစိုးရသစ်နှင့် နိုင်ငံရေးတွေ့ဆုံဆွေးနွေးမှု အခြေအနေနှင့်ပတ်သက်ပြီး မွန်ပြည်သူလူထုတို့၏ ဆန္ဒသဘောထားကို သိရှိရန်မွန်ပြည်သစ်ပါတီ-NMSP က တွေ့ဆုံပွဲများကျင်းပလျှက်ရှိသည်။

ယခုရက်သတ္တပတ်အတွင်း မွန်ပြည်သစ်ပါတီအနေဖြင့် အပစ်အခတ်ရပ်စဲရေး အပါအဝင်လက်ရှိ နိုင်ငံရေးအခြေအနေနှင့် ပတ်သက်၍ပြည်တွင်း၊ နယ်စပ်နှင့် ထိုင်းနိုင်ငံရှိမွန်ပြည်သူလူထုတို့နှင့် တွေ့ဆုံဆွေးနွေးပွဲများကျင်းပခဲ့ပြီး အကြံဉာဏ်များတောင်းခံလျှက်ရှိသည်။

“ကျနော်တို့အဓိကလက်ရှိနိုင်ငံရေး အခြေအနေကိုရှင်းပြပြီးတော့ သူတို့ (ပြည်သူ)တွေဆီက အကြံဉာဏ်တောင်းခံတယ်။ အခုလိုတွေ့ဆုံတာကို ပြည်သူတွေကလည်းကြိုဆိုတယ်။ အကြံဥာဏ်တွေလည်းပေးကြပါတယ်။ ကျနော်တို့အတွက်လည်းအားရစရာရှိပါတယ်။” ဟုNMSPအထွေထွေ အတွင်းရေးမှူးနိုင်ဟံသာကပြောသည်။

ထို့အပြင် လက်ရှိအစိုးရသည် အပစ်ခတ်ရပ်စဲရေးဆွေးနွေးနေသော်လည်း တိုင်းရင်းသား လက်နက်ကိုင်တို့လိုလားသည့် နိုင်ငံရေးတွေ့ဆုံဆွေးနွေးရေး လုပ်ဆောင်လိုသည့်အနေအထားမျိုး မရှိကြောင်းလည်းလူထုနှင့် တွေ့ဆုံဆွေးနွေးခဲ့စဉ် နိုင်ဟံသာကပြောကြားခဲ့သည်။

ထိုင်း-မြန်မာနယ်စပ်တွင် ပြုလုပ်ခဲ့သည့်NMSP ၏ ဆွေးနွေးပွဲတရပ်တွင် တက်ရောက်ခဲ့သူတဦးက “မွန်ပြည်သစ်ပါတီက လက်ရှိအစိုးရနဲ့တွေ့ဆုံခဲ့တဲ့အပေါ် လူထုတွေကိုရှင်းပြတယ်။ လူထုတွေဘက်ကလည်းအစိုးရနဲ့ တွေ့ဆုံဆွေးနွေးနေတာကိုကြိုဆိုပါတယ်။ ဒါပေမယ့်တဘက်မှာလည်း သတိရှိဖို့တော့လိုတယ်ဆိုတာကို တော့အကြံပြုဆွေးနွေးကြတာပဲ”ဟု ပြောသည်။

NMSP ၏ပြည်သူလူထုနှင့် တွေ့ဆုံဆွေးနွေးပွဲကို မော်လမြိုင်ခရိုင်၊ သထုံခရိုင်၊ ထားဝယ်ခရိုင်နှင့် နယ်စပ်ဒေသ တလျှောက်တွင်ပြုလုပ်လျှက်ရှိသည်။

ဖေဖော်ဝါရီလ၂၅ရက်နေ့က မွန်ပြည်သစ်ပါတီသည် ပြည်ထောင်စုအဆင့် အစိုးရငြိမ်းချမ်းရေးကိုယ်စား လှယ်တို့သည်အပစ်ခတ်ရပ်စဲရေး သဘောတူလက်မှတ်ရေးထိုးခဲ့ပြီး၊ ၄၅ရက်အတွင်း နိုင်ငံရေးဆွေးနွေးပေးရန် မွန်ပြည်သစ်ကတောင်းဆိုထားခဲ့သော်လည်း တပ်တည်နေရာချထားရေး၊ ဆက်ဆံရေးရုံးဖွင့်လှစ်ရေးနှင့် စီးပွားရေးလုပ်ငန်းများ လုပ်ဆောင်နိုင်ရေးမှလွဲပြီး ယနေ့အထိနိုင်ငံရေးတွေ့ဆုံဆွေးနွေးနိုင်ခြင်း မရှိသေးကြောင်းသိရသည်။

မွန်ပြည်သစ်ပါတီသည် ၁၉၉၅ခုနှစ်တွင် မြန်မာစစ်အစိုးရနှင့် အပစ်အခတ်ရပ်စဲရေးပြုလုပ်ခဲ့ပြီး ၂၀၁၀ခုနှစ်တွင်အစိုးရ၏ နယ်ခြားစောင့်တပ်ပြောင်းလဲရေးကို လက်မခံသည့်အတွက် အပစ်ခတ်ရပ်စဲရေးပြန်လည်ပျက်ပြယ်သွားကာ ၂၀၁၂ခုနှစ်ဖေဖေါ်ဝါရီလတွင် အပစ်ခတ်ရပ်စဲရေးပြန်လည် သဘောတူခဲ့သည်။

http://www.kicnews.org/?p=12136

ကူညီထောက်ပံ့မှုလျှော့ကျ၍ ဘော်ဒါနေရွှေ့ ပြောင်း မြန်မာကျောင်းသူကျောင်းသားများ အခက်ကြုံ

By: Ka Shee on 12:06 PM / comment : 0 ပြည်တွင်းသတင်း

ဇွန်လ၂၆ရက်။၂၀၁၂ခုနှစ်။နန်းသူးလေ(ကေအိုင်စီ)

ထိုင်းနိုင်ငံ၊တာ့ခ်ခရိုင်မဲဆောက်မြို့ရှိရွေ့ပြောင်းမြန်မာကျောင်း များတွင် ဘော်ဒါနေကျောင်းသူ ကျောင်းသားများ အတွက်အလှူရှင်များ၏ ကူညီထောက်ပံ့မှုများ လျှော့ချလိုက်သဖြင့် အခက်အခဲများနှင့်ကြုံတွေ့နေရကြောင်းသိရသည်။

မဲဆောက်မြို့ရှိ Children Development Centre (CDC)ကျောင်း၏ဒုကျောင်းအုပ်ဆရာနေမျိုးအေးက “အလှူရှင်တွေကအကူညီတွေ ၂၀ရာခိုင်နှုန်းလောက်လျှော့ချလိုက်တော့ ကလေးတွေအတော်ဒုက္ခရောက်တယ်။ အစားအသောက်အပိုင်းတွေ၊ အခြားဘော်ဒါအတွက် ကုန်ကျမှုတွေရာ ရနိုင်တာလေးတွေနဲ့မျှသုံးနေတာပေါ့။” ဟုပြောသည်။

ထို့အတူSAWရွေ့ပြောင်းမြန်မာစာသင်ကျောင်း ကဘော်ဒါအုပ်ကိုမျိုးကိုကလည်း “အစားအစာတွေကအရင်လိုမကျွေးနိုင်တော့ဘူးလေ။ ပိုက်ဆံကမလောက်တော့အသားအငါးတွေမ၀ယ်နိုင်တော့ဘူး။ ဟင်းသီးဟင်းရွက်တွေပဲအစားထိုးဝယ်ပြီးကလေးတွေကိုကျွေးနေရပါတယ်။”ဟုပြောသည်။

မူလတန်းမှ၁၂တန်းထိရှိသော CDC ကျောင်းတွင်ဘော်ဒါနေကျောင်းသူကျောင်းသားပေါင်း၅၀၀ကျော်ရှိပြီးမူလတန်းမှ၁၀အထိရှိသော Saw ကျောင်းတွင်မူဘော်ဒါနေကျောင်းသူကျောင်းသား၆၂ဦးရှိသည်ဟု သိရသည်။

တဆက်တည်း၌ပင်ဘော်ဒါနေကျောင်းသူကျောင်သား ၂၀၀ဦးရှိသည့်ခွဲကဘောင်ကျောင်းမှဘော်ဒါဆောင်သည် လည်းလာမည့်ဇွန်လိုင်လမှစ၍အကူအညီရရှိရန် မသေချာတော့ကြောင်းကျောင်းအုပ်ဆရာအဲကျော်အဲကကေအိုင်စီကိုပြောသည်။

သူက “၇လပိုင်း(ဇူလိုင်)မှစပြီးတော့အကူအညီရရှိဖို့မကြိမ်းသေတော့ဘူး။ အဲဒီအတွက်ဒီ၇လပိုင်းမှာကျနော်တို့၆လကရတဲ့အကူအညီနဲ့ပဲမျှသုံးရမယ်။ ကလေးတွေဘော်ဒါမှာနေပြီးကျောင်းတက်နိုင်ဖို့ကကျနော်တို့ဆရာမကြီးစီသီယာမောင်နဲ့တိုင်ပင်ပြီးနည်းလမ်းရှာသွားမယ်။”ဟုပြောသည်။

အလှူရှင်များက မြန်မာနိုင်ငံတွင်ပြုပြင်ပြောင်းလဲနေပြီဟု ဆိုကာပြည်တွင်းသို့ အကူအညီများရောက်နေကြသလို၊ ပြောင်းလဲမှုမရှိသေးဘဲရပ်တည်နေသေးသည့် နယ်စပ်ရှိရွေ့ပြောင်းကျောင်းများကိုလည်းကူညီပေးရန်လိုအပ်နေသေးကြောင်းCDC ဒုကျောင်းအုပ်ဆရာနေမျိုးအေးကဖြည့်စွက်ပြောဆိုသည်။

ထိုင်းနိုင်ငံတွင်ဝင်ရောက်လာသည့် International Non-Government Organization-INGO
၏အထောက်အပံ့များဖြင့် လွန်ခဲ့သည့်၁ဝနှစ်ကျော်ကရွှေ့ပြောင်းမြန်မာ စာသင်ကျောင်းများစတင်ဖွင့်လှစ်ခဲ့ပြီး ထိုင်းပညာရေးဌာနက တရားဝင်စာသင်ကျောင်း အဖြစ်ရပ်တည်ခွင့်မပြုဘဲသင်ကြားရေးဌာန (Learning Center)အဖြစ်ခွင့်ပြုထားခြင်းဖြစ်သည်။

တာ့ခ်ခရိုင်အတွင်းတွင်မြန်မာရွှေ့ပြောင်းကျောင်း၇၄ကျောင်းရှိကာအထက်တန်းကျာင်း၊ အလယ်တန်းကျောင်း၊မူလတန်းကျောင်း၊ မူကြိုကျောင်းအပြင်အထက်တန်းလွန်ကျောင်း၅ကျောင်းနှင့်အသက်မွေးဝမ်းကျောင်းတစ်ကျောင်းရှိသည်။

ယင်းကဲ့သို့ပင်၂၀၁၂-၂၀၁၃ပညာသင်နှစ်အတွက်လက်ရှိ စာရင်းအရကျောင်းနေသည့် ကလေးအရေအတွက်မှာ၁၃,၀၀၀(တစ်သောင်းသုံးထောင်) ဝန်းကျင်ရှိပြီးဆရာ၊ ဆရာမဦးရေ၇၅၀ခန့်ရှိသည် ဟုမြန်မာရွှေ့ပြောင်းပညာရေးကော်တီက ထုတ်ဖော်ပြောဆိုထားသည်။

http://www.kicnews.org/?p=12127

တောထဲသို့ အင်ဥ ထွက်ရှာသည့် အီတိုးထာ့ IDP တစ်ဦး ပစ်သတ်ခံရ

By: Ka Shee on 8:14 PM / comment : 0 ပြည်တွင်းသတင်း

ဇွန်လ ၂၅ရက်၊ ၂၀၁၂ခုနှစ်။ စောခါးစူးညား (ကေအိုင်စီ)

ကရင်ပြည်နယ်၊ ဖာပွန်မြို့နယ်အီတိုးထာ့ ပြည်တွင်း ဒုက္ခသည်(IDP)စခန်းမှ အသက် (၄၈)နှစ်အရွယ် စောကရီးမူးဆိုသူသည် တောထဲသို့ အင်ဥ(မှို) သွားရှာစားနေစဉ်မြန်မာအစိုးရတပ် (ခလရ-၁၉)၏ကိုကြာ့ခို့စခန်းအခြစိုက်ကန့်သတ် နယ်မြေအတွင်းတွင် ဇွန်လ(၁၃)ရက်နေ့က ပစ်သတ်ခြင်းခံခဲ့ရသည်ဟု အီတိုးထာ့ဒေသခံများက ပြောသည်။

အခင်းဖြစ်ပွားသည့် နေရာတွင် အီတိုးထာ့၏ မြောက်ဘက်မှာ ခြေလျင်ဖြင့် တစ်နာရီကျော် ခရီးရှိပြီးခလရ-၁၉အခြေစိုက်တပ်စခန်းနှင့် ကိုက် ၁၀၀ ကျော်အကွာတွင်တည်ရှိသည်ဟု ပြည်တွင်းကရင်ဒုက္ခသည်များကို ကူညီပေးနေသည့် (Karen Office Relief Development-KORD)အဖွဲ့မှ တာဝန်ခံ စောမောလောက ကေအိုင်စီသို့ ပြောသည်။

သူက “သူပစ်သတ်ခံရတဲ့ နေရာက မြန်မာတပ်စခန်းနဲ့ တော်တော်နီးတယ်။ ကန့်သတ်နယ်မြေဆိုတော့ ပစ်လိုက်တယ်တဲ့ သဘောပဲ။ ဒီလူက အရပ်ဝတ်နဲ့ဆိုတော့ အဝေးကနေ မြင်ရင်တော အရပ်သားဆိုတာ သိနိုင်တယ်။ အခုက အဝေးကနေ ပစ်ထိပြီး အနီးကပ် ထပ်ပစ်တဲ့အသွင် တွေ့ရတယ်။ ဘယ်ဘက် မျက်လုံးတဖက် မရှိတော့ဘူး။”ဟု ပြောသည်။

မြန်မာအစိုးရနှင့် ကရင်အမျိုးသားအစည်းအရုံး-KNU တို့၏ အပစ်အခတ်ရပ်စဲရေးကာလတွင် အီတိုးထာ့ စခန်းရှိ လူများက ဝေးလံသည့် တောထဲသို့ သွားသော်လည်း အန္တရာယ်ကြီးကြီးမားမား ရှိမည်ဟု မယူဆဘဲ အင်ဥများ ပေါက်နေသည့်ယခုလို မိုးရာသီတွင် ထိုကဲ့သို့ အင်ဥများ ရှာထွက်ခြင်းဖြစ်သည်ဟုသိရသည်။

“အဲဒီနေ့ အင်ဥရှာထွက်တာ စောကရီးမူးနဲ့ အဖော်နှစ်ယောက်ပါ။ အင်ဥတွေ ပိုရချင်တဲ့ဇောနဲ့ အဖော်နှစ်ယောက်ရဲ့ အရှေ့မှာသွားတော့ အပစ်ခံရတာပဲ။ ပြီးတော့ သူတို့သုံးယောက်ရဲ့အနောက်မှာ အမျိုးသမီးတဖွဲ့ရှိသေးတယ်။ သေနတ်သံကြားတော့ အားလုံး ထွက်ပြေးသွားကြတယ်။”ဟု အီတိုးထာ့ ဒုက္ခသည်တဦး၏ စကားကို ကိုးကား၍ စောမောလောက ဖြည့်စွက်ပြောဆိုသည်။

အီတိုးထာ့စခန်းရှိ လုံခြုံရေးတာဝန်ရှိသူများက ပစ်သတ်ခံရသူ စောကရီးမူး၏ ရုပ်အလောင်းကို ဇွန်လ ၁၄ရက်နေ့တွင် ရှာတွေ့ပြီး ၎င်းပစ်သတ်ခံရသည့်နေရာ တောထဲ၌ပင် မြေမြှုပ်သင်္ဂြိုလ်ခဲ့သည်။

ပစ်သတ်ခြင်းခံရသည့် စောကရီးမူးသည် ဇနီးအပါအ၀င် ကျန်ရစ်သူ မိသားစု ၇ဦးရှိသည်ဟု သိရသည်။
http://www.kicnews.org/?p=12106

ဒေါက်တာစင်သီယာမောင်နှင့် ဦးအောင်မင်း တွေ့ဆုံ

By: Ka Shee on 7:47 PM / comment : 0 ပြည်တွင်းသတင်း

ဇွန်လ ၂၆ရက်၊ ၂၀၁၂ခုနှစ်။ စောခါးစူးညား (ကေအိုင်စီ)

ထိုင်း-မြန်မာနယ်စပ်အခြေစိုက် မယ်တော်ဆေးခန်းတည်ထောင်သူ ဒေါက်တာ စင်သီယာမောင်နှင့် မြန်မာအစိုးရ ငြိမ်းချမ်းရေးကိုယ်စားလှယ် မီးရထားဝန်ကြီး ဦးအောင်မင်းတို့က ထိုင်းနိုင်ငံ မဲဆောက်မြို့၊Wattana Village Resort ဟိုတယ်တွင် ယနေ့ နေ့လည် ၁၂နာရီ၌ တွေ့ဆုံခဲ့သည်။

နာရီဝက်ကြာ တွေ့ဆုံခဲ့သည့် အဆိုပါ တွေ့ဆုံပွဲတွင် နယ်စပ်ဒေသရှိ ကျန်းမာရေး၊ ပညာရေးနှင့် လူမှုရေးကိစ္စ များကို ရှေ့ဆက် ဘယ်လိုလုပ်ဆောင်သင့်သည်များကို အစိုးရ ကိုယ်စားလှယ်ဘက်မှ ဦးအောင်မင်းနှင့် လူဝင်မှု ကြီးကြပ်ရေးဝန်ကြီး ဦးခင်ရီ ဦးဆောင်ဆွေးနွေးခဲ့ပြီး ဒေါက်တာစင်သီယာမောင်ဘက်မှ ဆရာမ နော်ထူး၊ ဆရာ စောချစ်ဝင်းနှင့် CDC ကျောင်းအုပ် မန်းရွှေနှင်းတို့က ပါဝင်ဆွေးနွေးခဲ့သည်။

ဒေါက်တာစင်သီယာမောင်က “ဦးအောင်မင်းကို နယ်စပ်မှာရှိတဲ့ ကျန်းမာရေး၊ ပညာရေးနဲ့ ကလေးအခွင့်အရေးအဖွဲ့အစည်းတွေရဲ့ လက်ရှိလုပ်ငန်းတွေကို ကျမတို့ တင်ပြတယ်။ လာမယ့်အခြေအနေမှာ ထိုင်းနိုင်ငံထဲမှာရှိတဲ့ ကျန်းမာရေး၊ ပညာရေးနဲ့ လူမှုရေးအခြေခံအဖွဲ့တွေနဲ့ ပြည်တွင်းထဲမှာ ရှိတဲ့အဖွဲ့တွေ ပူးပေါင်းဆောင်ရွက်မှုတွေ ပိုလုပ်နိုင်အောင် ဆက်ပြီး ဆွေးနွေးသွားမယ်။”ဟု သတင်းထာက်များကို ပြောသွားခဲ့သည်။

တွေ့ဆုံမှုကြောင့် ဦးအောင်မင်းအနေဖြင့် လက်ရှိ ထိုင်း-မြန်မာနယ်စပ်ဒေသရှိ ကျန်းမာရေး၊ ပညာရေးနှင့် လူထုအခြေပြုအဖွဲ့အစည်းများ၏ လုပ်ငန်းများကို ပိုမို သဘောပေါက်သွားပြီဖြစ်သလို ပူးပေါင်းဆောင်ရွက်မှုများ ဆက်လက်လုပ်ဆောင်ရန် အစိုးရ ကိုယ်စားလှယ်တွေ ထပ်လွှတ်ပေးမည်ဟု ပြောသွားကြောင်း ဒေါက်တာစင်သီယာမောင်က ဆိုသည်။

မီးရထားဝန်ကြီး ဦးအောင်မင်းက “ဆရာမကြီး(ဒေါက်တာစင်သီယာမောင်)လိုအပ်တဲ့ အကူအညီတွေကို ကူညီမယ်။ သမ္မတကြီးကလည်း ကူညီဖို့ လွှတ်လိုက်တာပဲလေ။ ပြီးတော့ ဆရာမကြီးကို ကူညီနိုင်ဖို့ လူမှုရေးနဲ့ ကျန်းမာရေးအလုပ်ကို လုပ်နေတဲ့ ကျနော့်ဇနီးနဲ့ ဦးခင်ရီဇနီးလွှတ်ပေးဖို့ ရှိတယ်။ ဆရာကြီးရဲ့ ဆေးခန်းကိုလည်း တရားဝင်ဖြစ်အောင် ကြိုးပမ်းပေးမယ်။”ဟု ပြောသည်။

ထို့အပြင် မြန်မာနိုင်ငံမှ တိုင်းရင်းသားများအတွက် ထိုင်း-မြန်မာ နယ်စပ် မဲဆောက်ဒေသတွင် ကြီးမားခက်ခဲသည့် အလုပ်များကို လုပ်ဆောင်နေသည့် ဒေါက်တာစင်သီယာမောင်အား ကျေးဇူးတင်ကြောင်းနှင့် လိုအပ်သည့် အကူအညီများကို စာဖြင့် ရေးကာ သမ္မတ ဦးသိန်းစိန်ထံသို့ ယူသွားပေးမည်ဖြစ်ကြောင်း ဦးအောင်မင်းက ပြောသည်။

လာမည့် ဇွန်လ ၂၇ရက်နေ့ နံနက် ၆နာရီခွဲတွင် ဦးအောင်မင်းဦးဆောင်သည့် အစိုးရငြိမ်းချမ်းရေး ကိုယ်စားလှယ်အဖွဲ့သည် မဲဆောက်ရှိ မယ်တော်ဆေးခန်းတွင် ဒေါက်တာစင်သီယာမောင်အား ထပ်မံ၍ သွားရောက်တွေ့ဆုံဦးမည်ဟုသိရသည်။

ယနေ့ အစိုးရငြိမ်းချမ်းရေးကိုယ်စားလှယ် ဦးအောင်မင်းနှင့်အဖွဲ့သည် မဲဆောက်မြို့ Wattana Village Resort ဟိုတယ်တွင် ကရင်အမျိုးသားအစည်းအရုံး-KNU၊ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး (ABSDF)တို့နှင့်လည်း တွေ့ဆုံဆွေးနွေးခဲ့သည်။

http://www.kicnews.org/?p=12119

တရုတ်-မြန်မာနယ်စပ် နောင်တောင်းကချင်စစ်ပြေးဒုက္ခသည်စခန်းရှိ ကျောင်းသားများ စာသင်ရန်အခက်ခဲရှိ

By: Ka Shee on 9:50 AM / comment : 0 ပြည်တွင်းသတင်း

တရုတ်-မြန်မာနယ်စပ် နောင်တောင်းစစ်ပြေးဒုက္ခသည် စခန်းရှိ ကျောင်းသူကျောင်းသားများအတွက် ကျောင်းအဆောက်အဦးနှင့် စာရေးကရိယာများ အခက်အခဲရှိ နေကြောင်း ဒုက္ခသည်ကူညီရေးအဖွဲ့ ကပြောသည်။

နောင်တောင်းမြို့နယ်တွင် ဒုက္ခသည်စခန်းပေါင်း ၆ ခုရှိပြီး ၎င်းစခန်း ၆ ခုမှ မူလတန်း ကျောင်းသူကျောင်းသားများ ၁၃၈၃ ဦးနှင့် အထက်တန်းကျောင်းသူကျောင်းသားများ ၅၀၈ ဦး ဒုက္ခသည်ကျောင်းသူကျောင်းသား စုစုပေါင်း ၁၈၉၁ ဦး ရှိသည်။

မူကြိုအရွယ်ကလေးများမှာ ၃၇၁ ယောက် ရှိပြီး ၄င်းကျောင်းသူကျောင်းသားများအတွက် ကျောင်းဆောင်နှင့် ကျောင်သုံးပစ္စည်းများလိုအပ်နေခြင်းဖြစ်ကြောင်း နောက်တောင်း ဒုက္ခသည်စခန်းများကို တာဝန်ယူ ကူညီကြည့်ရူပေးနေသော ဇင်လွမ်း (Zin Lum) စစ်ပြေး ဒုက္ခသည်ကူညီရေးကော်မတီဝင် ဆရာမ နန်ဘောက်ကပြောသည်။

၎င်းဒုက္ခသည် စခန်းများတွင် မူကြိုကျောင်းမှ လေးတန်းထိ ယာယီကျောင်းများဖွင့်လှစ်ထားပြီး စခန်းတစ်ခုတွင် ဆရာ/ဆရာမ ၄-၅ ယောက်ဖြင့်သင်ကြားပေးနေရာတွင် အဓိက စာရေးစားပွဲ၊ စာအုပ်၊ ခဲတံ၊ ဘောပင် စသည့် ကိရိယာများလည်း အခက်အခဲဖြစ်နေကြောင်း ဆရာမနန်ဘောက်ကဆက်ပြောသည်။

“လိုတာတွေ အများကြီးပဲ ပြောတောင် မပြောတတ်ဘူး။ စာအုပ်ခဲတံတွေ မလောက်ဘူး။ အခုလောလော ဆယ် လိုနေတာက ဖတ်စာအုပ်လေ ဖတ်စာအုပ်မရှိတော့ တခြားကျောင်းတွေမှာ အများကြီးသင်သွားလည်း ဒီမှာက တစ်ခုနှစ်ခုပဲကိုင်နေတော့ သင်ခန်းစာပြီးအောင်မသင်နိုင်ဘူးလေ” ဟု ကချင်သတင်းဌာနသို့ပြောသည်။

ဒုက္ခသည်မှ အထက်တန်းကျောင်းသူကျောင်းသားများသည် လနာ့ဇွပ်ဂျာ၊ မန်ဝင်း ၊နမ့်ခမ်း၊ ဗန်းမော် အစရှိသော ကျောင်းများသို့ သွားရောက်သင်ကြားရန်စီစဉ်ဆောင်ရွက်ပေးပြီး မူလတန်းကျောင်းသူ ကျောင်းသားများကိုမူ ဒုက္ခသည်စခန်းတွင် ယာယီစာသင်ကျောင်းများဖွင့်လှစ်၍ ပညာသင်ကြားပေးနေခြင်းဖြစ်ကြောင်း သိရသည်။

ထိုပြင် နာကောင်ကောင့် ဒုက္ခသည်စခန်းတွင် ကူညီကြည့်ရူနေသော ဆရာတစ်ဦးကလည်း “ကျနော်တို့ဆီမှာက သန်ဘက်ခါ မှစသင်မှာ။ဒီမှာက စာသင်စားပွဲတွေ ထိုင်ခုံတွေကို တောထဲက သစ်ပင်တွေကို ထွင်းယူပြီး လုပ်ယူတယ်။ စာသင်ဖို့ကျောက်သင်ပုန်းပဲရှိတယ်” ဟုပြောသည်။

စာသင်ရန်အခက်ခဲဖြစ်နေသော ကျောင်းသားများသည် နောင်တောင်းဒုက္ခသည်စခန်း ၆ ခုဖြစ်သော ခဒေါင်းပါ(Hka Dawng Pa)၊ ငါးနောင်းပါ(Nga Nawng Pa)၊ ယန်လု(Yang Lu)၊ နာကောင်ကောင့်(Na Kawng Kawng)၊ လော့ဖိုင်(Law Hpai)၊ လုံကရောတ် (Lung Krawk) စသည့်ဒုက္ခသည်စခန်းများမှဖြစ်သည်။

နောင်တောင်းဒုက္ခသည်စခန်းတွင် အိမ်ထောင်စု ၉၈၂ စု၊ လူဦးရေပေါင်း ၄၅၉၆ ဦးရှိပြီး ၎င်းတို့၏ စားဝတ်နေရေးအတွက် တရုတ်နိုင်ငံမှ နှစ်ခြင်းခရစ်ယာန်အဖွဲ့များ၊ မြစ်ကြီးနားမှ ကချင်နှစ်ခြင်းခရစ်ယာန် အဖွဲ့ချုပ်(KBC)မှ အကူညီပေးနေသော်လည်း အကူအညီဆက်လက်လိုအပ်နေကြာင်း ဒုက္ခသည်စခန်းမှ တာဝန်ရှိသူများပြောသည်။

ကိုယ်ထိလက်ရောက် ခံရသူ မြန်မာအမျိုးသမီး ၃ဦး လျော်ကြေးရ

By: Ka Shee on 9:32 AM / comment : 0 ပြည်တွင်းသတင်း

ဇွန်လ ၂၄ရက်၊ ၂၀၁၂ခုနှစ်။ နော်ဆဲကလယ် (ကေအိုင်စီ)

ရန်ကုန်မြို့၊ လှိုင်သာယာရှိ တိုးမြတ်အောင် ဇာပန်းထိုးစက်ရုံမှ မြန်မာအမျိုးသမီးအလုပ်သမား ၃ ဦးအား ကိုယ် ထိလက်ရောက် ကျူးလွန်ခဲ့သူ တရုတ်အမျိုးသား မစ္စတာချိုင်းကို ရဲစခန်းတွင် အမှုဖွင့်ထားရာ လျော်ကြေးပေး၍ ကျေအေးလိုက်ပြီဖြစ်ကြောင်း အလုပ်သမားအခွင့်အရေးဆောင်ရွက်ပေးသူ မမြင့်မြင့်ဌေးက ပြောသည်။

“တစ်ယောက်ကို ၅ သိန်းပေးတယ်။ သူဌေး(အလုပ်ရှင်)နဲ့ သူတို့ ၃ ယောက် ညှိပြီး လုပ်ခဲ့ကြတာပါ။ ပြီးခဲ့တဲ့ ကြာသပတေးနေ့(ယခု ဇွန်လ ၂၂ရက်) ကတည်းကပါ။”ဟု ကေအိုင်စီသို့ ပြောသည်။

ရန်ကုန်မြို့ရှိ မမြင့်မြင့်ဌေးအပါအ၀င် အလုပ်သမားများအခွင့်အရေး ဆောင်ရွက်နေကြသော ခေါင်းဆောင် များသည် လှိုင်သာယာရဲစခန်းတွင် အမှုဖွင့်ထားရာ ထိုအမှုအတွက် ၀ိုင်းဝန်းကူညီပေးကြရန် တောင်းဆိုနေချိန် တွင် ကျူးလွန်ခံရသော အမျိုးသမီးများကို ခေါ်ယူကာ အလုပ်ရှင်သူဌေးမှ လျော်ကြေးပေးခဲ့ခြင်းဖြစ်သည်။

“ကျမတို့ ကိုယ့်မြန်မာအမျိုးသမီးတွေကို စော်ကားတဲ့ ဒီတရုတ်အမျိုးသားကို မမြင်ချင်လို့ တိုင်ခဲ့ကြတာပါ။ အခု သူက အရင်လိုပေါ်တင်ကြီးမနေပေမယ့် သူ့ကို တစ်ခါတစ်ခါ တွေ့နေရပါတယ်။ ရဲစခန်းကလည်း တရုတ်သူဌေး နဲ့ဆက်သွယ်ပေးမယ်ပြောပြီး ကျမတို့ကို အကြောင်းမပြန်ဘဲ ခံရတဲ့ ၃ ဦးကိုဘဲ ခေါ်တွေ့ ညှိပေးခဲ့တာပါ။“ဟု မမြင့်မြင့်ဌေးက ဆက်ပြောသည်။

ထိုဇာပန်းထိုးစက်ရုံမှ ပါကင်ဝန်ထမ်းတဦးကလည်း “ဒီလိုသာဆို ကျမတို့ အလုပ်သမားတွေအတွက လုပ်ပေး နေတာတွေ အလကားဖြစ်သလိုဘဲ ဖြစ်နေပါတယ်။ ခံရတဲ့သူတွေကလည်း အချင်းချင်းတိုင်ပင် သင့်ပါတယ်။ သူဌေးတွေက ငွေပေးရင်ရတယ်ဆိုတဲ့အမြင်နဲ့ ဆက်လုပ်သွားမှာ စိုးတယ်။ ရဲစခန်းနဲ့ တရားရုံးကလည်း စည်းကမ်းရှိစေချင်ပါတယ်။”ဟု ဆိုသည်။

ပြီးခဲ့သည့် မေလ ၂၂ ရက်နေ့က အလုပ်သမားလစာတိုးပေးရေး ဆန္ဒပြတောင်းဆိုအပြီး ၂၃ ရက်နေ့တွင် မစိုးစိုးသန်း၊ မမြင့်မြင့်အေး နှင့် မဖြူဖြူတို့ ၃ ဦးသည် ဖယ်ရီကားပေါ်အတက်တွင် တရုတ်အမျိုးသားဖြစ်သူ မစ္စတာချိုင်းမှ သူမတို့၏ ရင်ဘတ်များကို တွန်းထုတ်၍ ပါးရိုက်ခဲ့သောကြောင့် ဦးဆောင်သူ အလုပ်သမား အဖွဲ့များက လှိုင်သာယာရဲစခန်းသို့ အမှုဖွင့်ခဲ့ခြင်းဖြစ်သည်။

http://www.kicnews.org/?p=12098

လူကုန်ကူးမှုလုံးဝ ရပ်တန့်နိုင်ရန် ကြိုးပမ်းသွားမည်ဟု ထိုင်းအစိုးရ ပြော

By: Ka Shee on 9:31 AM / comment : 0 ပြည်တွင်းသတင်း

ဇွန်လ ၂၂ရက်၊ ၂၀၁၂ခုနှစ်။ နန်းသူးလေ (ကေအိုင်စီ)

ထိုင်းနိုင်ငံတွင် လူကုန်ကူးမှုတိုက်ဖျက်ရေး၌ အသင့်အတင့် ကာကွယ်သည့် အဆင့်တွင်သာ ရှိနေသေးသဖြင့် လူကုန်ကူးမှုလုံးဝ ရပ်တန့်နိုင်ရန် ကြိုးပမ်းဆောင်ရွက်သွားမည်ဟု ထိုင်းလူမှုဖူလုံရေးနှင့် ဖွံ့ဖြိုးတိုးတက်ရေး ၀န်ကြီး ဌာနမှ အမျိုးသမီးတဦးဖြစ်သူ ဒါရိုက်တာ Chuliporn က ပြောကြားလိုက်သည်။

လူကုန်ကူးမှုတိုက်ဖျက်ရေး၌ လုံးဝအကာအကွယ်ပေးနိုင်သည့် အဆင့်၊ အသင့်အတင့် ကာကွယ်ပေးနိုင်သည့် အဆင့်နှင့် လစ်လျူရှုထားသည့် အဆင့်ဟူ၍ အဆင့် ၃ဆင့်ထဲတွင် ထိုင်းနိုင်ငံသည် ယင်းအဆင့်သာ ရှိနေသေး ကြောင်းကို ယနေ့ မဲဆောက်မြို့၌ နံနက် ၈နာရီမှ ညနေ ၃နာရီအထိ ပြုလုပ်သည့် “ထိုင်းလူကုန်ကူးမှု ပပျောက်ရေးနေ့” အခမ်းအနားတွင် သူမက ထိုသို့ ပြောဆိုခဲ့ခြင်းဖြစ်သည်။

“လူလူချင်းရောင်းစားတဲ့ လူကုန်ကူးမှုတွေ ကျူးလွန်နေတာဟာ လုံးဝ မရှိသင့်ဘူး။ နောက် လူကုန်ကူးတဲ့သူ တွေကိုလည်း ဖမ်းနိုင်ဖို့ဆိုတာ လွယ်ကူတဲ့အဆင့် မဟုတ်ပါဘူး။ အခုလို မျိုးပညာပေးပွဲလေး လုပ်ဖြစ်သွားတော့ အားလုံးလည်း ဗဟုသုတတွေရရှိပြီး ကျမတို့နဲ့အတူ လူကုန်ကူးမှု တိုက်ဖျက်ရေးကို ပူးပေါင်းသွားကြစေချင်ပါ တယ်။”ဟု ပြောသည်။

ထိုင်းလူဝန်မှုကြီးကြပ်ရေးဌာနမှ တာဝန်ရှိသူတစ်ဦးကလည်း ထိုင်းနိုင်ငံ လူကုန်ကူးမှုများကို တိုက်ဖျက်သည့် အနေဖြင့် စွတ်ခွန်ထိုင်း နှင့် တာ့ခ်ခရိုင်တို့တွင် စခန်းများထားရှိပြီး တရားဝင် မဟုတ်သူများ ကူးသန်းသွားလာ ပါက ဖမ်းဆီးအရေးယူမှုများ ပြုလုပ်ကာ သက်ဆိုင်ရာနိုင်ငံသို့ ပြန်ပို့ပေးနေကြောင်း ပြောသည်။

ယနေ့ အခမ်းအနားတွင် ထိုင်းနိုင်ငံ တာ့ခ်ခရိုင်ရှိ အစိုးရဌာနဆိုင်ရာများနှင့် လူထုအခြေပြုအဖွဲ့အစည်းများ ပူးပေါင်း၍ ကျင်းပခဲ့ခြင်းဖြစ်ပြီး ထိုင်းအစိုးရဌာနများမှ တာဝန်ရှိသူများ၊ လူထုအခြေပြုအဖွဲ့အချို့မှ ပုဂ္ဂိုလ်များနှင့် ထိုင်း-မြန်မာနယ်စပ် ရွေ့ပြောင်းမြန်မာစာသင် ကျောင်းမှ ကျောင်းသူကျောင်းသားများအပါအ၀င် လူထု ပရိဿတ် ၃၀၀ ကျော် တက်ရောက်ခဲ့ကြသည်။

ထိုင်း-မြန်မာနယ်စပ်အခြေစိုက် ပညာရေးနှင့်ဖွံ့ဖြိုးရေး ဖောင်ဒေးရှင်း-FED က ကိုရန်မျိုးနိုင်က “ဒီလိုပွဲလေး လုပ် လိုက်ခြင်းဖြင့် အားလုံးလည်း ဗဟုသုတအသိတွေ ပိုများလာမယ်။ အရင်ကဆို တခုခုဖြစ်ရင် ဘယ်နေရာသွား တိုင်ရမှန်း မသိဘူး။ အခုလို ကူညီမယ့်အဖွဲ့အစည်းလည်း ရှိတယ်ဆိုတာ သိသွားတော့ လူကုန်ကူးမှုကြုံလာရင် ဘယ်လို တိုင်ကြားလို့ ရမယ်ဆိုတာကို သိလာမယ်လေ။” ဟု ကေအိုင်စီသို့ ပြောသည်။

ထို့အပြင် အခမ်းအနားတွင် တက်ရောက်သည့် ရွှေ့ပြောင်းမြန်မာစာသင်ကျောင်းများဖြစ်သည့် ဆာ့သူးလေ၊ ပါရမီ၊ ခွဲကဘောင်၊ အာရုံဦး၊ နေ့သစ်၊ CDC ကျောင်းသူကျောင်းသားလေးများက လူကုန်ကူးမှုတိုက်ဖျက်ရေး ပြဇာတ်၊ တေးသီချင်း၊ သံချပ်၊ အကပဒေသာများဖြင့် ဖျော်ဖြေတင်ဆက်ခဲ့သလို ပန်းချီပြိုင်ပွဲများလည်း ကျင်းပခဲ့သည်။

ခွဲကဘောင်ကျောင်းမှ ၁၂ တန်းကျောင်းသူ နော်ဒါးဒါသူးက “အခုထိုင်းနယ်စပ်မှာ လူကုန်ကူးမှုတွေ ခေတ်စား နေတယ်လေ။ ဒီပွဲကို တက်တဲ့အတွက် သူများရဲ့ အလိမ်မခံရအောင် အသိတွေ အများကြီးရလာတယ်။ တခြား မသိသေးတဲ့ သူတွေကိုလည်း သမီးသိထားတာလေးတွေ ပြန်ပြောပြမယ်။”ဟု ပြောသည်။

ထိုင်းနိုင်ငံသည် နိုင်ငံတကာအသိအမှတ်ပြု လူကုန်ကူးမှုခံရသူများအား ကာကွယ်ရေးအက်ဥပဒေ-TVP ကို ပြီးခဲ့သည့် ၂၀၀၈ ခုနှစ်က စတင်ကာ သဘောတူလက်မှတ်ရေးထိုးခဲ့ကြောင်း ထိုင်းလူမှု့ဖူလုံရေးနှင့် ဖွံ့ဖြိုးတိုးတက်ရေးဝန်ကြီးဌာန၏ ပြောကြားချက်အရ သိရသည်။

http://www.kicnews.org/?p=12086

နော်အုန်းလှကိုအာဏာပိုင်များ ပြန် လည်စောင့်ကြည့်နေ

By: Ka Shee on 2:57 PM / comment : 0 ပြည်တွင်းသတင်း

ဇွန်လ ၂၂ရက်၊ ၂၀၁၂။ (ကေအိုင်စီ)

ပြီးခဲ့သည့်မေလက လျှပ်စစ်မီး အချိန်ပြည့်ရရှိရေးအတွက် ဖယောင်းတိုင်မီးထွန်း ဆန္ဒထုတ်ဖော်မှုတွင် ဦးဆောင်ပါဝင်ခဲ့သူ နော်အုန်းလှအား လက်ရှိအချိန်တွင် အစိုးရအာဏာပိုင်များက စောင့်ကြည့်လေ့လာမှုများ ပြု လုပ်လျှက်ရှိသည်။

နော်အုန်းလှက “အခု ကျမသွားလေရာကို အနည်းဆုံး ရဲနှစ်ယောက် သုံးယောက်လောက်က လိုက်ကြည့်နေတယ်။ ကျမကတော့ ကိုယ် သွားစရာ ရှိတာကိုသွားနေတာပါပဲ။ မဟုတ်တာလုပ်နေတာမှ မဟုတ်တာ။ သူတို့မလိုက်နိုင်တော့လည်းမျက်ခြေပြတ်သွားတာပေါ့။”ဟု ကေအိုင်စီသို့ ပြောသည်။

ယခုလို စောင့်ကြည့်မှုမှာ လျှပ်စစ်မီးရရှိရေး ဆန္ဒထုတ်ဖော်ပွဲအပြီး နောက်ပိုင်းတွင် စတင်လုပ်ဆောင်လာခြင်းဖြစ်ကြောင်း သူမက ထပ် ပြောသည်။

“ကျမတို့က နိုင်ငံရေးပါတီကလူလည်း မဟုတ်ဘူး။ လွှတ်တော်တက်သူလည်း မဟုတ်ဘူး။ ဒါပေမဲ့ လူထုအတွက် တတ်နိုင်သလောက် လုပ်ပေးနေတာပါ။ အစိုးရက ပြည်သူအတွက် ဘာမဆိုလုပ်ပေးရမဲ့တာဝန်ရှိတယ်လေ။ ကျမကို အခုလို လိုက်နေတာကိုကြည့်ရင် ဒီမိုကရေစီဖော်ဆောင်နေတာ မဟုတ်ဘူး”ဟု နော်အုန်းလှက ပြောဆိုသည်။

ထို့အပြင် နော်အုန်းလှအနေဖြင့် မီဒီယာများ၊ လူမှုအသိုင်းအ၀ိုင်းများနှင့် ဆက်သွယ်လျှက်ရှိသည့် စမ်းချောင်းမြို့နယ်မှ ဖုန်းဆိုင်တဆိုင်ကို လည်း ပြီးခဲ့သည့် ရက်သတ္တပတ်မှစ၍ ဆက်သွယ်ရေးဌာနမှ ဖုန်းလိုင်းအသုံးပြုခွင့် ပိတ်ပင်ထားသည်ဟု သိရသည်။

သူမက “ကျမဆက်တဲ့ ဖုန်းဆိုင်က ကလေးတွေကိုလည်း ဘယ်သူဆက်လာတာလဲ။ ဘာတွေပြောတာလဲမေးတော့ သူတို့ကလည်း ဘာမှ မသိပါဘူး။ ပိုက်ဆံရလို့ ဖုန်းပေးပြောတာပါလို့ ပြန်ဖြေတာပေါ့။ ဒါကို စိတ်ဆိုးပြီး လိုင်းပိတ်လိုက်တယ် ထင်ပါရဲ့”ဟု ခန့်မှန်းပြောဆိုသည်။

နော်အုန်းလှသည် ဒေါ်အောင်ဆန်းစုကြည် ဦးဆောင်သည့်အမျိုးသားဒီမိုကရေစီအဖွဲ့ချုပ်(NLD)မှ ထုတ်ပယ်ခံထားရသူ အဖွဲ့ဝင်အမျိုး သမီးတစ်ဦးဖြစ်ပြီး ယခုအချိန်တွင် ယုံကြည်ချက်၊ ခံယူချက် တူညီသူများဖြင့် လူထုအတွက် လုပ်ဆောင်ပေးနေသူ ကရင်အမျိုးသမီးဖြစ်သည်။

http://www.kicnews.org/?p=12069

ဒီမိုကရေစီနှင့် ငြိမ်းချမ်းရေး အမျိုးသမီးကွန်ယက် မကြာခင် ဖွဲ့စည်းမည်

By: Ka Shee on 2:55 PM / comment : 0 ပြည်တွင်းသတင်း

ဇွန်လ ၂၂ရက်၊ ၂၀၁၂။ (ကေအိုင်စီ)

မြန်မာနိုင်ငံတွင် စစ်မှန်သော ဒီမိုကရေစီ ငြိမ်းချမ်းရေးအတွက် ဒီမိုကရေစီနှင့် ငြိမ်းချမ်းရေး အမျိုးသမီးများကွန်ယက်ကို လာမည့် ဇူလိုင် ၁၉ရရက်(အာဇာနည်နေ့) နောက်ပိုင်းတွင် ဖွဲ့စည်းသွားရန် ကွန်ယက်ဖော်ဆောင်ရေး ဖြစ်မြောက်ရေးကော်မတီမှ မသန္တာက ကေအိုင်စီ သို့ ပြောသည်။

“ကျမတို့ အခု ဖြစ်မြောက်ရေးကော်မတီအနေနဲ့ပဲ ရှိပါသေးတယ်။ လုပ်ငန်းစဉ်ကတော့ လူမှုရေးနွယ်တဲ့ နိုင်ငံရေးလုပ်ငန်းလို့တော့ ပြောလို့ ရပါတယ်။ ဒီအတွက် ကွန်ယက်ကိုတော့ လာမဲ့ ဇူလိုင် ၁၉ရက်နောက်ပိုင်းမှာ ဖွဲ့စည်းဖို့ ကြိုးစားနေပါတယ်”ဟု ဆိုသည်။

အဆိုပါကွန်ယက်အဖွဲ့ကို စစ်မှန်သော ဒီမိုကရေစီရရှိရေး ဖော်ဆောင်ရန်၊ ပြည်တွင်းငြိမ်းချမ်းရေး ဖော်ဆောင်ရန်၊ လူ့အခွင့်အရေး တန်းတူညီမျှမှု အပြည့်အ၀ရရှိရေး ဖော်ဆောင်ရန်နှင့် အဖိနှိပ်ခံ အမျိုးသမီးများကို ကာကွယ်စောင့်ရှောက်ရေး စသည့် ရည်ရွယ်ချက် ၄ချက်ဖြင့် ဖွဲ့စည်းသွားမည်ဖြစ်ကြောင်း ပြီးခဲ့သည့် မေလ ၃၀ရက်နေ့က ဖွဲ့စည်းခဲ့သည့် ဖြစ်မြောက်ရေးကော်မတီက ကြေညာထားသည်။

ယခုလက်ရှိ ကွန်ယက်ဖြစ်မြောက်ရေးကော်မတီအဖွဲ့တွင် အမျိုးသမီး ၇ဦး ပါဝင်ပြီး ၎င်းတို့၏ အမည်နှင့် တာဝန်အတိအကျကို ယခုအချိန် တွင် မထုတ်ပြန်ရသေးသော်လည်း မကြာမီ ထုတ်ပြန်သွားမည်ဟု ထိုဖြစ်မြောက်ရေးကော်မတီမှ မသန္တာက ပြောသည်။

“အခုပါဝင်တဲ့ အမျိုးသမီး ၇ဦးရဲ့နာမည်တွေကို ထုတ်ဖော်ဖို့က သူတို့ရဲ့ သဘောထားကိုလည်း မေးရအုံးမှာမို့ လာမဲ့ တနင်္ဂနွေ(ဇွန် ၂၄) ရက်နေ့ကျမှ ထုတ်ပြန်ဖြစ်ဖို့များပါတယ်”ဟု ဆိုသည်။

ကွန်ယက်အဖွဲ့ကို ၎င်းတို့၏ အဖွဲ့ဝင်များရှိရာ ရန်ကုန်တိုင်း၊ ပဲခူးတိုင်း၊ ဧရာဝတီတိုင်းနှင့် ကရင်ပြည်နယ်များ၌ ဖွဲ့စည်းသွားမည်ဟု သိရှိရ သလို လက်ရှိအချိန်တွင် အမျိုးသမီး ဖွံ့ဖြိုးရေးကိစ္စ စည်းရုံးရေးလုပ်ငန်းများ ဆောင်ရွက်နေသလို မြေယာ၊ လယ်ယာ သိမ်းဆည်းခံရများ နှင့် ပွဲစားလိမ်လည်မှုများကိုလည်း ရှေ့နေငှားရမ်းကာ ကူညီလုပ်ဆောင်ပေးနေကြောင်းလည်း သူမက ဆက်လက် ပြောဆိုသည်။

ထို့အပြင် လုပ်ငန်းဖော်ဆောင်ရာတွင် တိုင်းရင်းသားပြည်သူနှင့် ဖိနှိပ်ခံ အမျိုးသမီးများအတွက် လုပ်ဆောင်နေသည့် မည်သည့်အဖွဲ့အ စည်းနှင့်မဆို ပူးပေါင်းဆောင်ရွက်သွားမည်ဟုလည်း ၎င်းဖြစ်မြောက်ရေးကော်မတီ၏ သတင်းထုတ်ပြန်ချက်တွင် ဖော်ပြထားသည်။

http://www.kicnews.org/?p=12067

တရားဝင်ယာယီပတ်စ်ပို့ ထိရောက်စွာ လုပ်ဆောင်ပေးရန် အစိုးရကို အလုပ်သမား ကူညီပေးရေးအဖွဲ့များ ပြော

By: Ka Shee on 2:53 PM / comment : 0 ပြည်တွင်းသတင်း

ဇွန်လ ၂၁ရက်။ ၂၀၁၂ ခုနှစ်။ နန်းသူးလေ(ကေအိုင်စီ)

ထိုင်းနိုင်ငံရောက် ရွှေ့ပြောင်းအလုပ်သမားများ၏ အခွင့်အရေးအပြည့်အ၀ရရှိရေးနှင့် တရားဝင်ယာယီပတ်စ်ပို့ လုပ်ဆောင် ပေးရာတွင် မြန်မာအစိုးရအနေဖြင့် ထိရောက်စွာ လုပ်ဆောင်ပေးရန် လိုအပ်နေကြောင်း ရွေ့ပြောင်း မြန်မာအလုပ်သမားများ ကူညီပေးနေသည့်အဖွဲ့များက ပြောကြားလိုက်သည်။

ယနေ့ထုတ် အစိုးရသတင်းစာကြေးမုံတွင် အလုပ်သမားဝန်ကြီးဌာန၊ လူမှုဝန်ထမ်းကယ်ဆယ်ရေးနှင့် ပြန်လည် နေရာချ ထားရေးဝန်ကြီးဌာန ပြည်ထောင်စုဝန်ကြီး ဦးအောင်ကြည်က ထိုင်းနိုင်ငံရောက်အလုပ်သမားများအား ယာယီပတ်စ်ပို့ လုပ်ပေးခြင်းတခုမဟုတ်ဘဲ အလုပ်သမားများ၏ အခွင့်အရေးများကိုလည်း အပြည့်အ၀အကာ အကွယ်ပေးနိုင်ရန် ပြောခဲ့သည့်အပေါ် အလုပ်သမားကူညီပေးရေးအဖွဲ့များက ထိုသို့ ပြောကြားခဲ့ခြင်းဖြစ်သည်။

ထိုင်းနိုင်ငံ၌ အလုပ်သမားများအား လူကုန်ကူးမှုမခံရစေရေးနှင့် ယာယီပတ်စ်ပို့ လက်မှတ်လုပ်ပေးရေးရုံးများ တွင် အလုပ်လုပ်နေသော လုပ်ငန်းအဖွဲ့ ငါးဖွဲ့ကို တာဝန်လှဲလှယ်ထမ်းဆောင်ရန် ၀န်ထမ်း ၄၀ဦးထပ်မံစေလွှတ် သွားမည်ဟု ဇွန်လ ၂၀ရက်နေ့ အလုပ်သမားဝန်ကြီးဌာနအစည်းအဝေးတွင် ဦးအောင်ကြည်က ပြောဆိုသွား ကြောင်း ဖော်ပြထားသည်။

ယင်းပြောစကားကို မြန်မာရွေ့ပြောင်းအလုပ်သမားအရေးဆောင်ရွက်နေသည့် ထိုင်း-မြန်မာနယ်စပ်အခြေစိုက် မြန်မာနိုင်ငံအလုပ်သမားသမဂ္ဂများ အဖွဲ့ချုပ်-FTUB မှ ကိုကျော်မြင့်က “သူတို့(မြန်မာအစိုးရ) ပြောသလို လုပ် ပေးနိုင်ရင်တော့ ပိုထိရောက်တယ်။ အပြောသာပြောပြီး တကယ့်လက်တွေ့မှာ ဘာမှ မလုပ်ပေးဘူး ဆိုရင်တော့ အလကားပဲလေ။” ဟု ကေအိုင်စီသို့ ပြောသည်။

ထို့အပြင် အောက်ခြေလူတန်းစားအလုပ်သမား၏ လိုအပ်ချက်များနှင့် အလုပ်ရှင်သူဌေးတို့၏ ချယ်လှယ်မှု အောက်တွင် အလုပ်သမားများ မည်သို့ အလုပ်လုပ်ကိုင်နေကြသည်ကို သိရှိအောင် အစိုးရအနေဖြင့် စုံစမ်းသင့် ကြောင်း ရောင်ခြည်ဦး အလုပ်သမားများအဖွဲ့က ဥပဒေရေးရာတာဝန်ခံ ကိုထွေးနိုင်ကလည်း ယခုလို ပြောသည်။

“အခုလုပ်ပေးနေတဲ့ ယာယီနိုင်ငံကူးလက်မှတ်(ပတ်စ်ပို့)လုပ်ဆောင်ပေးတာ ကုန်ကျငွေဈေးနှုန်းနှင့် လျှောက် လွှာစတင်သည့်နေ့မှစပြီး လက်မှတ်စာအုပ်ရတဲ့အထိ ဘယ်လောက်ကြာမယ်ဆိုတာကိုလည်း အစိုးရတာဝန်ရှိ သူ များအနေဖြင့် အတိအကျ သတ်မှတ်ပေးဖို့ လိုတယ်။ မဟုတ်ရင်တော့ ကုန်သည်ပွဲစားတွေအတွက် လုပ်ပိုင်ခွင့်ပေးထားသလိုဖြစ်နေတယ်။” ဟုပြောသည်။

လက်ရှိအချိန်တွင် အလုပ်သမားများ ယာယီပတ်စ်ပို့လုပ်မည် ဆိုပါက ပထမဦးဆုံး ကယ်ရီသမားတစ်ဦးဖြင့် ဆက်သွယ်ပြီး ထိုမှတဆင့် ၀န်ဆောင်မှုပေးနေသည့် ကုမ္ပဏီများ၏ အကူအညီဖြင့် ပတ်စ်ပို့လုပ်ပေးသည့် အစိုးရ၀န်ထမ်းများထံတွင် လုပ်ဆောင်ရကာ အဆင့်ဆင့်ပေးရကြောင့် အလုပ်သမားများအတွက် အကုန်ကျ ပိုများနေကြရသည်။

ထိုင်းနိုင်ငံ၊ မဲဆောက်မြို့တွင် ယာယီပတ်စ်ပို့လုပ်ရန် စောင့်ဆိုင်းနေသူ အမျိုးသမီးငယ်တစ်ဦးက “လိုက်လုပ် ပေးမယ့် သူတို့(ကယ်ရီ) ဘယ်နေ့ခေါ်မှာလဲဆိုတာပဲ စောင့်နေရတယ်။ ရက်လည်း အတိအကျမသိဘူး။ အခုက ငွေလိမ်သွားတဲ့ကယ်ရီတွေ အရမ်းများနေတယ်။”ဟု ပြောသည်။

ထိုင်းနှင့်မြန်မာ နှစ်နိုင်ငံအစိုးရအနေဖြင့် အလုပ်သမားများ ယာယီပတ်စ်ပို့တိုက်ရိုက်ပြုလုပ်နိုင်ရန် အစိုးရဌာန ရုံးများဖွင့်ပေးပါက အလုပ်သမားများအတွက် ပိုမိုအဆင်ပြေလာနိုင်သလို အကုန်အကျလည်း သက်သာလာ နိုင်ကြောင်း FTUB က ကိုကျော်မြင့်က ပြောသည်။

ထိုင်းနိုင်ငံ မဲဆောက်မြို့တွင် ပတ်စ်ပို့လုပ်ဆောင်ပေးနေသည့် ကုမ္ပဏီအများအပြားရှိသလို ထိုင်းအလုပ်သမား လက်မှ ရှိသူများအနေဖြင့် ထိုင်းဘတ်ငွေ လေးထောင့်ငါးရာမှ ခြောက်ထောင်အထိ ရှိပြီး အလုပ်သမား လက်မှတ် မရှိပါက ဘတ်ငွေ တစ်သောင်းခွဲမှ နှစ်သောင်းအထိ ပေးဆောင်နေရကြောင်း သိရသည်။

ယခု ဇွန်လဆန်းပိုင်းက ယာယီနိုင်ငံကူးလက်မှတ်(ပတ်စ်ပို့)ပြုလုပ်ရန် ထိုင်းနိုင်ငံ ဘန်ကောက်မြို့မှ မဲဆောက် မြို့သို့ ရောက်ရှိနေသည့် အလုပ်သမားလက်မှတ် ရှိပြီးသားသူ ရွှေ့ပြောင်းမြန်မာအလုပ်သမား ၁၀၀ ကျော်သည် ၎င်းတို့အတွက် လက်မှတ်ပြုလုပ်ပေးရန် အာမခံပေးသည့် ကယ်ရီသမား၏ ငွေလိမ်လည်ယူသွားခြင်းကို ခံခဲ့ရ သည်။

http://www.kicnews.org/?p=12061

ရခိုင်ပြည်နယ် ဒုက္ခသည်များ အတွက် အလှူပေးအပ်ပွဲပြုလုပ်

By: Ka Shee on 3:01 PM / comment : 0 ပြည်တွင်းသတင်း

ဇွန်လ ၂၁ရက်၊ ၂၀၁၂ခုနှစ်။ နော်ဆဲကလယ် (ကေအိုင်စီ)

ရခိုင်ပြည်နယ်အတွင်းကယ်ဆယ်ရေးစခန်းများရှိ ဒုက္ခသည်များအတွက် အလှူပေးအပ်ပွဲ အခမ်းအနားတစ်ခုကိုရန်ကုန်မြို့ တာမွေမြို့နယ် အောင်မြေဗောဓိဓမ္မရိပ်သာ အလိုတော်ပြည့်ကျောင်းတိုက်တွင် ယမန်နေ့ကပြုလုပ်ကျင်းပခဲ့သည်။

အဆိုပါ အလှူပေးအပ်ပွဲတွင်အလှူငွေကျပ် ၄၂၁ သိန်း၊ ကလေးအ၀တ်အထည် ၂,၂၆၁ ထည်၊ အမျိုးသားအ၀တ်အထည် ၉၁၄ ထည်၊ အမျိုးသမီးအ၀တ်အထည် ၄,၁၁၃ ထည်အပါအ၀င် ဆေးဝါးပစ္စည်း၊ ဆန်၊ ကျောင်းသုံးစာအုပ်၊ စောင်၊ ခြင်ထောင်များရရှိခဲ့သည်ဟုအလှူခံဂေါပကအဖွဲ့ကပြောသည်။

အလှူပေးအပ်ပွဲအခမ်းအနားတွင် ပါဝင်သည့် အလိုတော်ပြည့်ကျောင်းတိုက် စာချနာယက အရှင်ဝိသာရဒက “ဒီအလှူခံရရှိတဲ့ပစ္စည်းတွေကိုဒုက္ခရောက်နေတဲ့ လူတွေအတွက်တော့ တန်ဖိုးမဖြတ်နိုင်ပါဘူး။ အနောက်ဖက်ကမ်း(ရခိုင်ပြည်နယ်)မှာနေထိုင်ကြတဲ့ညီအစ်ကိုမောင်နှမများအတွက် ဖြစ်ပါတယ်။ ဆက်လက်ကူညီပေးကြပါ။”ဟုတိုက်တွန်းပြောကြားခဲ့သည်။

ယခုအလှူပေးအပ်ပွဲပြုလုပ်နေသည့်နေ့တွင် ရခိုင်ဒေသရှိဒုက္ခရောက်နေသူများ၏စိုနေသည့် မျက်ဝန်းများကို သုတ်ပေးသောနေ့ဖြစ်သကဲ့သို့ ၎င်းတို့၏ ဘ၀အေးချမ်းစေရန်အတွက် ရည်ရွယ်၍ လှူဒါန်းကြရခြင်းဖြစ်ကြောင်း၎င်းက ဖြည့်စွက်ပြောခဲ့သည်။

ဂေါပကအဖွဲ့ဝင်တစ်ဦးဖြစ်သူ ဒေါ်နှင်းနှင်းအေးက“ကျမတို့ ရခိုင်မှာဖြစ်နေတဲ့ဒုက္ခတွေအတွက် စိတ်မချမ်းသာပါဘူး။ ဒီလိုမျိုးဘယ်သူ့ကိုမှ မကြံစေချင်ပါဘူး။ တစ်ဖက်နဲ့တစ်ဖက်လည်းအမုန်းတွေ ပြေပျောက်စေချင်ပါတယ်။”ဟုပြောသည်။

ဆက်လက်၍ ရခိုင်အမျိုးသမီး အလှူရှင်တစ်ဦးဖြစ်သူ ဒေါ်ရင်ရင်သန်းကလည်း ကယ်ဆယ်ရေးစခန်းရှိအမျိုးသမီးများသည် စိတ်ဓါတ်မကျဘဲကိုယ့်အစွမ်းအစများဖြင့် ဘာသာတရား၏ အဆုံးအမနှင့်တကွ ကြိုစားရပ် တည်ကြပါရန် အားပေးစကားပြောကြားခဲ့သည်။

ယင်းလှူဒါန်းပွဲသို့မြန်မာနိုင်ငံ ၀န်ကြီးချုပ်ဟောင်းဦးခင်ညွှန့်(ယခင် စစ်အစိုးရလက်ထက်)၊နိုင်ငံရေးပါတီများ၊ အလှူရှင်များ၊ ဖိတ်ကြားထားသူများအပြင် ရုပ်ရှင်သရုပ်ဆောင်နေထက်လင်း၊ရဲတိုက်တို့တက်ရောက်ခဲ့ကြသည်။

လက်ရှိအခြေအနေအရ ရခိုင်ပြည်နယ်တွင်စစ်တွေ၊ ရသေ့တောင်၊ ပုဏ္ဍားကျွန်း၊ ပေါက်တောစသည့်မြို့တို့တွင် ကယ်ဆယ်ရေးစခန်း ၃၇ ခုဖွင့်လှစ်ထားပြီးဒုက္ခသည်ပေါင်း၃၀,၀၀၀(သုံးသောင်း)ကျော် ခိုလှုံနေကြရသလိုထိုစခန်းများရှိကလေးများမှာ ၀မ်းပျက်ဝမ်းလျှောဖြစ်ပွားနေသည်ဟုရခိုင်တိုင်းရင်းသားများတိုးတက်ရေးပါတီ(RNDP)က ပြောဆိုထားသည်။

တဆက်တည်း၌ပင် ရခိုင်ပြည်နယ် ပဋိပက္ခတွင်မေလ ၂၈ ရက်မှ ဇွန်လ ၁၄ရက်နေ့အထိ သေဆုံးသူနှင့် ဒဏ်ရရှိသူဦးရေမှာ၁၀၀ ကျော်ရှိပြီဟုဇွန်လ ၁၆ရက်နေ့က မြန်မာအစိုးရသတင်းစာတွင် ဖော်ပြထားသည်။

မေလ ၂၈ရက်နေ့က ရခိုင်ပြည်နယ်၊ ရမ်းဗြဲမြို့နယ်၌ ရခိုင်အမျိုးသမီးမသီတာထွေးကိုဘင်္ဂလီလူမျိုးသုံးဦး၏ အဓမ္မပြုကျင့်ပြီးသတ်လိုက်ကြောင်းသတင်းထွက်ပေါ်ပြီးနောက် ဇွန်လ (၃)ရက်နေ့တွင် အစ္စလာမ်ဘာ သာဝင် ခရီးသည် ၁၀ ဦးအသတ်ခံခဲ့ရာမှ ရခိုင်နှင့် ဘင်္ဂလီလူမျိုးအကြား အဓိကရုဏ်းဖြစ်ပွားကာ ဒေသခံလူထုများအိုးအိမ်များ ပြာပုံဖြစ်ရသည်အထိရောက်လာခဲ့ခြင်းဖြစ်သည်။

http://www.kicnews.org/?p=12046

နယ်စပ်ကအရွယ်ရောက် ရွှေ့ပြောင်း ကလေး သောင်းချီ စာမသင်နိုင်

By: Ka Shee on 2:56 PM / comment : 0 ပြည်တွင်းသတင်း

ဇွန်လ ၂၀ရက်၊ ၂၀၁၂ခုနှစ်။ နန်းယဉ် (အလွတ်သတင်းထောက်)

ထိုင်း-မြန်မာနယ်စပ်တာ့ခ်ခရိုင်အတွင်းရှိ မြန်မာရွှေ့ပြောင်း အလုပ်သမားတို့၏ ကျောင်းနေရွယ် ကလေးငယ် သောင်းနှင့်ချီ ကျောင်းမတက်နိုင်ဟု မဲဆောက်အခြေစိုက် မြန်မာရွှေ့ပြောင်း ပညာရေးကော်မတီက ပြောသည်။

“ကလေးတွေ ကျောင်းမတက်နိုင်တာက တချို့မိဘတွေ တောင်ယာမှာ မိဘတွေနဲ့နေတော့ အကြိုအပို့မလုပ်နိုင်တာရှိတယ်။ တချို့ကျတော့လည်း တောထဲတွေမှာဆိုလည်း ကျောင်းတွေမဖွင့်နိုင် တာလည်းရှိတယ်။ နောက်ပြီး ကျောင်းမလုံလောက်တာရယ်။ ကျောင်းဆရာအခက်အခဲလည်း ရှိတယ်။ နေရာထိုင်ခင်းအခက်အခဲတွေကြောင့်လည်းပါတယ်။” ဟု မြန်မာရွှေ့ပြောင်းပညာရေးကော်တီ ဥက္ကဋ္ဌ နော်ဖောရေက ပြောသည်။

၎င်းက ထိုကလေးများသည် တာ့ခ်ခရိုင်အတွင်းရှိ မဲဆောက်၊ မယ်လမတ်၊ ထဆောင်ရန်၊ ဖို့ပရနှင့် ဖို့ဖတ်မြို့ နယ်များတွင် နေထိုင်နေကြသည့် မြန်မာနိုင်ငံအရပ်ရပ်မှ လာရောက်နေထိုင်ကြသည့် မြန်မာရွှေ့ပြောင်း အလုပ်သမား၏ ကလေးများဖြစ်သည်။

နော်ဖောရေက “ကလေးတွေက အများစုက ကရင်တွေဖြစ်ပြီးတော့ ဗမာ၊ ပအိုဝ်၊ ကချင်အနည်းစုပါတယ်။ မွန်တွေ နောက်ပြီးတော့ မွတ်စလင်ခလေးတွေလည်း ပါတယ်” ဟုပြောသည်။

ယမန်နှစ်ရှိ ကျောင်းနေရွယ်ကလေးအရေအတွက်နှင့် နှိုင်းယှဉ်လျှင် ယခုနှစ်တွင်လည်း စုစုပေါင်း မြန်မာရွှေ့ပြောင်းကလေးငယ် ၅ သောင်းကျော်ရှိသည်ဟု ခန့်မှန်းထားကြပြီး ယင်းအနက် ၂၀၁၂-၂၀၁၃ ပညာသင်နှစ် လက်ရှိစာရင်းအရ ကျောင်းနေသည့် ကလေးအရေအတွက်မှာ ၁၃,၀၀၀ဝန်းကျင်ရှိပြီး၊ ခန့်မှန်းခြေအရ ထိုင်းကျောင်းတွင် ၁၅ ရာခိုင်နှုန်းရှိကာ ကျန်ကလေးငယ်များသည် စာမသင်ကြားနိုင်သည့် ကလေးငယ်များဖြစ်သည်ဟု ၄င်းက ပြောသည်။

ထိုင်း-မြန်မာနယ်စပ်ရှိ ပညာရေးသုတေသီ ဆရာဦးသိန်းနိုင်က “ထိုင်းကျောင်းနဲ့ ရွှေ့ပြောင်းကျောင်းတွေဟာ အရမ်းကို ကွာခြားပါတယ်။ သင်ကြားမှုအပိုင်း၊ နည်းစနစ်အပိုင်း၊ လက်တွေ့အပိုင်း အစရှိတာပေါ့နော် အရမ်းကို ကွာပါတယ်။ နေထိုင်တာ သွားလာတာကအစ ရွှေ့ပြောင်းကျောင်းတွေမှာတော့ အရမ်းကိုခက်ခဲပါတယ်”ဟုပြောသည်။

တာ့ခ်ခရိုင်အတွင်းတွင် မြန်မာရွှေ့ပြောင်းကျောင်း ၇၄ ကျောင်းရှိကာ အထက်တန်းကျာင်း၊ အလယ်တန်း ကျောင်း၊ မူလတန်းကျောင်နှင့် မူကြိုကျောင်းအပြင် အထက်တန်းလွန်ကျောင်း ၅ ကျောင်းနှင့် အသက် မွေးဝမ်းကျောင်း တစ်ကျောင်းရှိပြီး ၂၀၁၂ – ၂၀၁၃ ပညာသင်နှစ်အတွက် ခန့်မှန်းခြေအရ မြန်မာကျောင်း ဆရာ ဆရာမ ၇၅၀ ခန့်ရှိသည်ဟု နော်ဖောရေက ပြောသည်။

ထိုမြန်မာရွှေ့ပြောင်းကျောင်းများကို ထိုင်းနိုင်ငံတွင် လာရောက်အခြေချထားကြသည့် INGO အထောက်အပံ့များဖြင့် လွန်ခဲ့သည့် ၁ဝ နှစ်ကျော်က စတင်ဖွင့်လှစ်ခဲ့ပြီး ထိုင်းပညာရေးဌာနက တရားဝင် စာသင်ကျောင်းအဖြစ် ရပ်တည်ခွင့် မပြုဘဲ သင်ကြားရေးဌာန (Learning Center)အဖြစ် ခွင့်ပြုထားသည်။

သင်ရိုးညွှန်းတမ်းအနေဖြင့် မြန်မာသင်ရိုးညွှန်းတမ်းအချို့နှင့် တခြားသင့်လျော်သည့် သင်ရိုးညွှန်းတမ်း၊ ထိုင်းမှ သင်ရိုးညွှန်းတမ်းတချို့ကိုယူကာ သင်ကြားပေးလျှက်ရှိပြီး မူလတန်းမှ ဆယ်တန်းအောင်မြင် သည်အထိ ပညာရေးဝန်ဆောင်မှုများ ပေးကာ အချို့မြန်မာရွှေ့ပြောင်း အထက်တန်းကျောင်းများတွင် ဆယ်တန်းလွန် ပညာရေး ဆယ့်နှစ်တန်းအထိ ရှိသည်။

ထိုင်း-မြန်မာနယ်စပ် တာ့ခ်ခရိုင်တွင် မဲဆောက်အပါအဝင် မြို့နယ် ၉ခု ရှိပြီး၊ ခရိုင်အတွင်းရှိ အလုပ်ရုံစက်ရုံများ၊ ဆောက်လုပ်ရေးလုပ်ငန်းခွင်များနှင့် စိုက်ပျိုးရေးလုပ်ငန်းခွင်များတွင် အလုပ်လုပ်နေကြသည့် မြန်မာရွှေ့ပြောင်းအလုပ်သမား လေးသိန်းခန့်ရှိသည်ဟု မဲဆောက်အခြေစိုက် မြန်မာအလုပ်သမားအရေး ဆောင်ရွက်နေသည့်အဖွဲ့တို့၏ ခန့်မှန်းချက်အရ သိရသည်။

http://www.kicnews.org/?p=12035